सुशांत सावंत
मुंबई : शिवसेनेचे नेते आणि मंत्री एकनाथ शिंदे (Eknath Shinde) यांनी जवळपास ५० समर्थक आमदारांसह बंडाचे निशाण फडकवून महाराष्ट्राच्या राजकारणात खळबळ माजवलीय. महाविकास आघाडी आणि एकनाथ शिंदे गट यांच्यात सत्तासंघर्ष जोरदार सत्तासंघर्ष सुरू आहे. दरम्यान शिंदे गट आणि ठाकरे सरकारने (mva government) एकमेकांविरोधात केलेल्या याचिकेवर सुप्रीम कोर्टात आज सुनावणी झाली. या सुनावणीत कोर्टाने सर्वपक्षकारांना नोटीसा बजावल्या आहेत. याच पार्श्वभूमीवर भारतीय जनता पक्षाने नेत्यांसोबत बैठक घेतली. महाविकास आघाडी सरकार बरखास्त करण्यासाठी भाजपने बैठक घेतली असल्याची चर्चा राजकीय वर्तुळात रंगली होती. परंतु, भाजपचे नेते सुधीर मुनगंटीवार (sudhir mungantiwar) यांनी सत्तास्थापन करण्यासंदर्भात चर्चा झाली नसल्याचे माध्यमांशी बोलताना स्पष्ट केलं आहे. बंडखोर आमदार २४ कॅरेट शिवसैनिक आहेत. बंडखोर आमदार स्वतःला बंडखोर मानत नाहीत ते स्वतःला शिवसैनिक समजत आहेत, असं वक्तव्य सुधीर मुनगंटीवार यांनी केलं आहे.
मुनगंटीवार यांनी अनेक महत्वाच्या मुद्द्यांवर भाष्य केलं. माध्यमांना प्रतिक्रिया देताना सुधीर मुनगंटीवार म्हणाले, कोर्टाने दिलेल्या निर्णयानंतर विधिमंडळात निर्माण होणाऱ्या परिस्थितीचे आकलन केले गेले. महाराष्ट्रा समोरचे राजकीय प्रश्न लक्षात घेऊन भाजपची भूमिका ठरवली जाईल. भाजपा सध्या वेट अँड वॉच या भूमिकेत आहे.अविविश्वास ठरावाची मागणी एकनाथ शिंदे यांच्याकडून करण्यात आली आहे.जसजसे प्रस्ताव येथील त्यानंतर पुन्हा भाजपची कोअर कमिटीचीटीची बैठक होईल. रोजच्या घडामोडींवर भाजपचे लक्ष आहे.
बंडखोर आमदार स्वतःला बंडखोर मानत नाहीत ते स्वतःला शिवसैनिक समजत आहे. बंडखोर आमदार २४ कॅरेट शिवसैनिक आहेत. शिवसेनेचे गटनेते एकनाथ शिंदे यांच्याकडून कुठलाही प्रस्ताव आला नाही.आम्हाला आज तरी फ्लोर टेस्ट मागण्याची गरज वाटत नाही. भाजपा बैठकीत शिवसेनेच्या फूटीवर चर्चा झाली आहे. एकनाथ शिंदे यांनी बंडखोरी केली,त्यावरही चर्चा झाली. एकनाथ शिंदे यांनी अविश्वास ठरावची मागणी केली आहे. सत्ता स्थापन करण्यासंदर्भात अद्याप चर्चा झाली नाही. मी कुठल्याच शिवसेनेच्या आमदारांना बंडखोर समझणार नाही. प्रस्ताव आल्यानंतर भाजप बैठकीत विचार करण्यात येईल.
Edited By - Naresh Shende
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.