कुंभार घाट दुर्घटना प्रकरणी विदर्भातील भाजप आमदाराचे पंढरपुरात उपोषण

जो पर्यंत मृतांच्या नातेवाईकांना न्याय मिळत नाही तो पर्यंत उपोषण मागे घेणार नाही असा इशारा ही आमदार पिंगळे यांनी दिला आहे.
कुंभार घाट दुर्घटना प्रकरणी विदर्भातील भाजप आमदाराचे पंढरपुरात उपोषण
Pandharpur News Updates, Kumbhar Ghat accident News, Harish Pimpale NewsSaam Tv

पंढरपूर - पंढरपूर येथील कुंभार घाट दुर्घटना प्रकरणी जलसंपदा विभागाचे अधिक्षक अभियंता जयंत शिंदे व कार्यकारी अभियंता रमेश वाडकर यांच्यावर निलंबनाची कारवाई करावी या मागणीसाठी विदर्भातील मूर्तीजापूरचे भाजप आमदार हरिष पिंगळे यांनी पंढरपुरातील प्रांताधिकारी कार्यलयासमोर बेमुदत उपोषण सुरु केले आहे. जो पर्यंत मृतांच्या नातेवाईकांना न्याय मिळत नाही तो पर्यंत उपोषण मागे घेणार नाही असा इशारा ही आमदार पिंगळे यांनी दिला आहे. (Pandharpur News Updates)

भाजप आमदाराने सुरु केलेल्या बेमुदत उपोषणामुळे येथील निकृष्ठ घाट बांधकामाचा मुद्दा ऐरणीवर आला आहे. तीर्थक्षेत्र विकास आराखड्याअंतर्गत चंद्रभागातीरावर घाटांची कामे हाती घेण्यात आली आहेत. यातील बहुतांश कामे रखडली आहेत. येथील कुंभार घाटाजवळ नवीन घाटाचे काम सुरु असताना 2020 मध्ये घाटाची भिंत कोसळून अपघात झाला होता. यामध्ये स्थानिक चार जणांसह एकूण सहा जणांचा बळी गेला होता.

घाटाचे काम निकृष्ठ झाल्यानेच अपघात झाला आहे, असा आरोप मृतांच्या नातेवाईकांनी व स्थानिक नागरिकांनी केला आहे. येथील दुर्घटने नंतर उपमुख्यमंत्री अजित पवार यांनी घटनास्थळाला भेट देवून पाहाणी केली होती. त्यावेळी पवार यांनी या दुर्घटनेसे जबाबदार असलेल्या अधिकारी व ठेकेदारांवर गुन्हे दाखल करुन कारवाई करण्याचे आदेश प्रशासनाला दिले होते. परंतु दोन वर्षानंतर ही संबंधीत अधिकारी व ठेकेदारांची साधी चौकशी सुध्दा झाली नाही. महाविकास आघाडीचे सरकार अशा अधिकारी व ठेकेदारांना पाठीशी घालत असल्याचा आरोप आमदार पिंगळे यांनी केला आहे. त्या विरोधात त्यांनी‌ बेमुदत उपोषण सुरू केले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com