Navneet Rana : शिक्षक-पदवीधर निवडणुकांबाबत नवनीत राणांचा मोठा दावा; म्हणाल्या...भाजप-शिंदे गटाचे...

Navneet Rana - राज्यात येत्या 30 जानेवारी रोजी शिक्षक व पदवीधर मतदारसंघाच्या पाच जागेसाठी निवडणूक होत आहे, यावर अमरावतीच्या खासदार नवनीत राणा यांनी महाविकास आघाडीला टोला लगावत राज्यातील सर्व पाचही जागा भाजप व शिंदे गटाच्या विजयी होतील असा दावा केला आहे. (Navneet Rana)

याबाबत अधिक माहिती अशी की, मकर संक्रातीनिमित्त खासदार नवणीत राणा यांनी पतंग उडवण्याचा आनंद घेतला. यावेळी बोलताना त्यांनी "एकनाथ शिंदे तसेच देवेंद्र फडणवीसांचे कौतुक करत देवाचे आशिर्वाद त्यांच्या पाठीशी आहेत, त्यांचे कष्ट महाराष्ट्र पाहत आहे," असे त्या यावेळी म्हणाल्या.

त्याचबरोबर यावेळी आमदार रवी राणांनी ठाकरे गटावर जोरदार टीका केली आहे. "संजय राऊत (Sanjay Raut) व सुषमा अंधारे रोज तिखट बोलतात व तिखट बोलून त्यांचे तोंड तिकड झाले आहे त्यामुळे दोघांच्या तिखट तोंडाला गोड करण्यासाठी त्यांना मी तिळगुळ पाठवणार आहे," असा टोला ठाकरे गटाला लगावला आहे.