पक्षाची प्रतिमा मलिन होत असल्याने भाजप कार्यकर्त्याची जिल्हाध्यक्ष जयकुमार गाेरेंनी केली हकालपट्टी

सातारा : पक्षाच्या विरोधात कायम भूमिका घेत असल्याचे कारण दाखवत भाजपाने (BJP) नुकतीच दिगंबर आगवणे (Digambar Agawane) यांची पक्षातून हकालपट्टी केली आहे. याबाबतची माहिती (satara) संघटन सरचिटणीस चंद्रशेखर वडणे यांनी माध्यमांना दिली. (satara latest marathi news)

वडणे म्हणाले फलटण (phaltan) तालुक्यातील दिगंबर आगवणे हे नेहमीच भारतीय जनता पक्षाच्या विरोधात भूमिका घेत असल्याचे पक्षाच्या निदर्शनास आले. आगवणे हे काेणत्या ना काेणत्या कारणाने पक्षातील वरिष्ठ नेत्यांवर खोटेनाटे आरोप करीत आहेत. त्यामुळे पक्षाची प्रतिमा मलिन होत आहे. त्यामुळे भाजप जिल्हाध्यक्ष जयकुमार गाेरे यांच्या आदेशानूसार आगवणे यांची पक्षातून हकालपट्टी करण्यात आली आहे.

विधानसभेच्या निवडणुकीनंतर (vidhan sabha election) अनेक कार्यकर्त्यांच्या बाबत पक्ष विरोधी भूमिका घेतल्यामुळे देखील पक्षाच्या प्रक्रियेपासून त्यांना बाजूने करण्यात आले होते. तरीही ते सातत्याने पक्षाच्या विरोधात तसेच नेत्यांवर खोटेनाटे आरोप करीत राहिले. त्यामुळे त्यांना पक्षातून काढून टाकण्यात आले आहे असेही वडणे यांनी नमूद केले.

Edited By : Siddharth Latkar