भाजप युवा नेत्याचा कारनामा; वाढदिवसानिमित्त तलवारीने कापले 50 केक
बीड - जिल्ह्यात सर्वात जास्त ढगफुटी झालेल्या वडवणीमध्ये, पंकजा मुंडे यांचा निकटवर्ती असणाऱ्या भाजप युवा नेत्याचा अनोखा कारनामा समोर आला आहे. चक्क वाढदिवसानिमित्त, तलवारीने जवळपास 50 केक कापले आहेत. एवढंच नाही तर डीजेच्या तालावर देखील या नेत्याने ठेका धरला.
हे देखील पहा -
बाबरी मुंडे असे त्या भाजप युवा नेत्याचे नाव आहे. बाबरी मुंडे हे वडवणी तालुक्यातील जिल्हा परिषद सर्कलचे विद्यमान जिल्हा परिषद सदस्य देखील आहेत. तर याच वडवणी तालुक्यात सर्वात जास्त वेळा ढगफुटी होऊन अतिवृष्टीने कहर केला होता. या अतिवृष्टीच्या मदतीसाठी अनेक शेतकरी अद्यापही प्रतीक्षेत असताना दुसरीकडे लोकप्रतिनिधी म्हणून काम करणारे आणि आमदार नगराध्यक्ष होऊ पाहणाऱ्या भाजप युवा नेत्यांनेचे धुमधडाक्यात वाढदिवस साजरे करण्यात येत आहे.
पंकजा मुंडे यांचा निकटवर्ती असणाऱ्या भाजप युवा नेत्याने चक्क तलवारीने जवळपास 50 केक कापल्याने संताप व्यक्त केला जात आहे. त्यामुळे आता अतिवृष्टीग्रस्त शेतकऱ्यांसाठी मदतीची मागणी करणाऱ्या भाजप नेत्या पंकजा मुंडे आपल्या युवा नेत्याचे कान टोचणार का आणि पोलीस प्रशासन या नेत्यावर कारवाई करणार का? हेच पाहणं महत्वाचं ठरणार आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.