आदित्य ठाकरेंचा औरंगाबाद दौरा; शिवसैनिकांनी संदीपान भुमरेंच्या बॅनरला फासले काळे

शिवसैनिकांनी संदीपान भुमरे यांच्या बॅनरला काळे फासले
Sandipan Bhumare Aurangabad Banner
Sandipan Bhumare Aurangabad BannerSaam TV

औरंगाबाद : एकनाथ शिंदे यांच्या गटात सामील झालेले बंडखोर आमदार संदीपान भुमरे (Sandipan Bhumare) यांच्या बॅनला पुन्हा एकदा काळे फासण्यात आलं आहे. संतप्त शिवसैनिकांनी औरंगाबादमधील पैठण रोडवर लावलेल्या बॅनरला काळे फासले. विशेष बाब म्हणजे याच रस्त्यावरून युवासेनाप्रमुख आदित्य ठाकरे (Aditya Thackeray) आज पैठणकडे गेले. (Sandipan Bhumare Latest News)

Sandipan Bhumare Aurangabad Banner
Video: पुरंदरेंइतका अन्याय शिवछत्रपतींवर कोणी केला नाही: शरद पवार

शिवसेनेचे नेते आदित्य ठाकरे सध्या मराठवाड्यात शिवसंवाद यात्रेवर आहेत. काल औरंगाबाद त्यांचा संवाद कार्यक्रम झाला. यावेळी अनेक वर्षांचं 'स्वप्न' "संभाजीनगर" करता आल्यानं पूर्ण झालं याचा अभिमान आहे, असं आदित्य ठाकरे म्हणाले. यावेळी त्यांनी शिवसैनिकांना आवाहन केलं. उद्या रस्त्यावर दिसले तर त्यांना हात जोडून विचार गद्दार का झालात? असं आवाहन आदित्य ठाकरे यांनी शिवसैनिकांना केलं.

दरम्यान, औरंगाबादेत आदित्य ठाकरे यांच्या कार्यक्रमाला शिवसैनिकांकडून देखील जोरदार प्रतिसाद मिळाला. आज आदित्य ठाकरे पैठण दौऱ्यावर आहेत. तोच इकडे औरंगाबाद शहरात पैठणचे शिवसेनेचे बंडखोर आमदार संदीपान भुमरे यांच्या बॅनरवरील फोटोला संतप्त शिवसैनिकांनी काळे फासले आहे. (Aditya Thackeray Latest News)

Sandipan Bhumare Aurangabad Banner
Mumbai: मुख्यमंत्र्यांच्या बंगल्याची बत्ती गुल! पालिकेत शिवसेनेची सत्ता असतानाही वीजपुरवठा खंडीत

दरम्यान, शिवसैनिकांनी भुमरे यांच्या बॅनवरील फोटोला काळे फासल्याने भुमरे समर्थक आणि मुळ शिवसैनिकांमध्ये तणाव‌ निर्माण होण्याची शक्यता आहे. यापूर्वी सुद्धा शिवसैनिकांनी संदीपान भुमरे यांच्या बॅनरला काळे फासले होते.

संदीपान भुमरेंना मंत्रिमंडळात स्थान?

दरम्यान शिंदे-फडणवीस सरकारच्या मंत्रिमंडळ विस्तार दोन टप्प्यात होणार असल्याचे सांगितले जाते. पहिल्या टप्प्यात बारा जणांचा शपथविधी होऊ शकतो यात भाजपकडून सात तर शिंदे गटाकडून पाच मंत्र्यांचा शपथ दिली होईल.

सूत्रांनी दिलेल्या माहितीनुसार, आमदार संदीपान भुमरे यांना मंत्रिमंडळात स्थान मिळेल. याशिवाय दादा भुसे, गुलाबराव पाटील, उदय सामंत, शंभूराज देसाई, अब्दुल सत्तार, राजेंद्र पाटील येड्रावकर या सगळ्यांना मंत्रिमंडळात स्थान मिळेल ही शक्यता जास्त आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com