Viral Video : आदिवासी कोळी समाजाची होळीची अनोखी प्रथा; व्हिडिओ होतोय व्हायरल, एकदा बघाच

Buldhana Viral Video News : राज्यात काही ठिकाणी रंगपंचमी साजरी होत आहे. देशभरात विविध ठिकाणी हा सण साजरा करण्याची परंपरा, पद्धत वेगवेगळी आहे. अनेकांच्या सण साजरा करण्यामध्ये विविधता आहे.

काही ठिकाणी पहिला दिवशी होलिका दहन होते. त्यानतंर दुसऱ्या दिवशी एकमेकांवर रंग उडवून रंगाची होळी खेळली जाते. त्याला धुलिवंदन म्हटले जाते. तर काही ठिकाणी होळीला शिमगाही म्हटलं जाते. तर काही ठिकाणी रंगपंचमी म्हटलं जातं. याच आदिवासी समाजाच्या होळीचा एक व्हिडिओ व्हायरल झाला आहे.

बुलढाणा (Buldhana) जिल्ह्यातील आदिवासी कोळी समाजाचे गाव असलेले चिखली तालुक्यातील भानखेड येथे होळीची अनोखी परंपरा जपल्या जातेय. सर्वत्र आजच्या दिवशी कलरफुल रंगपंचमी साजरी होत असते. मात्र भानखेड येथील आदिवासी (Tribal) कोळी समाज मात्र रुईच्या झाडांच्या ओल्या काडीने पुरुषांना मारण्याची प्रथा जपते आहे. तर गावातील नागरिक मारोतीच्या मंदिरासमोर ठेवलेला दगड ज्याला गुंड म्हटल्या जाते, त्याला सुद्धा खांद्यावरुन उचलून टाकण्याची प्रथा आहे .

सकाळी पुरुष मंडळी गावातून फगवा (वर्गणी) मागतात आणि त्याचा हिशेब करून जमा झालेल्या पैशांनी रेणुका देवीला पातळ चढविण्यासाठी ते पैसे महिलांकडे देतात.. तर त्यानंतर गुंड उचलण्याचा कार्यक्रम साठी लहान मोठ्यांची झुंबड उडते.

यानंतर गावाच्या वेशीतून पुरुष मंडळी जातात. तेव्हा वेशीत दोन्ही बाजूला महिला रुईच्या झाडाच्या ओल्या काड्या घेऊन उभे असतात. त्यांच्या मधून जाताना महिला या काडीने पुरुषांना मारतात.

मात्र, या काडीने कोणालाही इजा होत नाही, तर त्यांच्या अंगातील सर्व दुःख दूर होते, अशी भावना आहे. अशी अनोखी परंपरा भानखेड वासी पूर्वजांकडून जपत आलेय. यावेळी गावात आनंदी वातावरण असते, हे विशेष...