Buldhana: अकरावीच्या प्रवेशासाठी मुख्याध्यापकाने मागितली लाच; चौघांना अटक

विद्यार्थ्याला अकरावीत प्रवेश देण्यासाठी मुख्याध्यापकाने पंधरा हजाराच्या लाचेची मागणी केली होती.
Buldhana Bribe News
Buldhana Bribe NewsSaam TV

बुलडाणा : माध्यमिक व उच्च माध्यमिक विद्यालय, बुलढाणा (Buldhana) येथील इयत्ता ११ च्या विज्ञान शाखेत प्रवेश देण्याकरिता विद्यार्थ्यांच्या पालकांकडून दहा हजारांची लाच (Bribe) स्वीकारताना मुख्याध्यापकासह चार जणांना लाचलुचपत प्रतिबंधक विभागाच्या पथकाने रंगेहात पकडलं असून या चौघांना अटक करण्यात आली आहे.

काल सायंकाळी साडे सहाच्या सुमारास माध्यमिक व उच्च माध्यमिक विद्यालय येथे सदर कारवाई करण्यात आली आहे मुख्याध्यापक प्रल्हाद धोंडू गायकवाड, वस्तीगृह कार्यवाहक गजानन सुखदेव मोरे, मजूर जितेंद्र प्रल्हाद हिवाळे आणि लेखापाल राहुल विष्णू जाधव अशी अटक करण्यात आलेल्या आरोपींची नावे आहेत.

Buldhana Bribe News
TET Exam : शिक्षक पात्रता परीक्षेत गैरप्रकार ; 'इतक्या' उमेदवारांवर होणार कारवाई

विद्यालयामध्ये तक्रारदाराच्या मुलाला अकरावीत प्रवेश देण्यासाठी मुख्याध्यापक प्रल्हाद गायकवाड यांच्या वतीने वस्तीगृह कार्यवाहक गजानन मोरे याने पंधरा हजाराच्या लाचेची मागणी केली. तडजोडी अंती दहा हजारात सौदा पक्का केला गेला.

आरोपी जितेंद्र प्रल्हाद हिवाळे याने तक्रारदारास लाच देण्यासाठी प्रवृत्त केले तर आरोपी लेखापाल राहुल विष्णू जाधव याने मुख्याध्यापकाच्या सांगण्यावरून तक्रारदाराकडून दहा हजाराची लाच स्वीकारली. याप्रकरणी लाचलुचपत प्रतिबंधक विभागाच्या पथकाने चारही आरोपींना रंगेहात अटक केली.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com