Gram Panchayat Election Result 2022 : काॅंग्रेस, भाजपास धक्का; बुलढाण्यात ग्रामपंचायत निवडणुकीत स्थानिक आघड्यांची सरशी

बुलडाणा : बुलडाणा येथे गुरुवारी झालेल्या पाच ग्रामपंचायतीच्या निवडणुकांचा निकाल आज (शुक्रवार) जाहीर झाला आहे. या निवडणुकीत काँग्रेसच्या पॅनलला दोन, भाजपाला एक तसेच स्थानिक पॅनलला दोन ग्रामपंचायतींवर (grampanchayat) विजय मिळाला आहे. (Gram Panchayat Election Result 2022)

आज लागलेल्या ग्रामपंचायतींचा निकाल हा मलकापूरात काँग्रेसचे आमदार राजेश एकडे व खामगावच्या भाजप आमदार आकाश फुंडकर यांना हा मोठा धक्का मानला जात आहे. खामगावचे काँग्रेसचे माजी आमदार दिलीप सानंदा यांनी खामगाव तालुक्यातील दोन ग्रामपंचायतीत आपलं पॅनल उभं केलं असताना त्यांना फक्त एकाच ग्रामपंचायतीत विजय मिळाला आहे. मात्र स्थानिक आघाड्यानी जिल्ह्यातील पाच पैकी दोन ग्रामपंचायतीत विजय मिळविल्याने आता या ठिकाणी सरपंच पदासाठी चुरस निर्माण झाली आहे.

बुलढाणा जिल्ह्यातील एकूण ग्रामपंचायतचे निकाल

खामगाव तालुका

खामगाव ग्रामीण - भाजपा पॅनल विजयी (एकूण सात जागा - भाजपा 05 , काँग्रेस 02)

पिंप्री धनगर - काँग्रेस पॅनल विजयी (एकूण सात जागा - काँग्रेस 06 , अपक्ष 01)

मलकापूर तालुका

उमाळी - काँग्रेस विजयी (एकूण 11 जागा, काँग्रेस 7, स्थानिक पॅनल 4)

बेलाड - स्थानिक पॅनल विजयी (एकूण जागा - 08 )

आळंद - स्थानिक पॅनल विजयी.

पक्षनिहाय निकाल

शिवसेना 00

ठाकरे गट. 00

शिंदे गट 00

भाजप 01

काॅंग्रेस 02

राष्ट्रवादी 00

मनसे 00

इतर 02

Edited By : Siddharth Latkar