बुलढाणा : गेल्या तीन दिवसांपासून राज्यव्यापी संप सुरु असून या संपात सर्व कर्मचारी सहभागी झाले आहेत. यात मुख्य आरोग्य कर्मचारी सहभागी झाले असल्याने जिल्हा सामान्य रुग्णाल्यातील आरोग्य यंत्रणा कोलमडली आहे. जिल्ह्यातील तीन दिवसात ६५ नेत्र शस्त्रक्रिया रखडल्या असून या संपाचा फटका रुग्णांना बसला. आता हा संप कशी संपणार याकडे सर्वांचे लक्ष लागले आहे. (Letest Marathi News)
जुनी पेंशन योजना या मागणी करता राज्‍य सरकारी कर्मचारी तीन दिवसांपासून संपावर आहेत. जिल्ह्यातील सर्व विभागाचे कामाकाज ठप्प झाले आहेत. बुलढाणा जिल्ह्यातील अनेक कर्मचारी संपात सहभागी झाले असून संपातील कर्मचाऱ्यांना कारवाईच्या नोटीस बजावल्या आहेत. यात जिल्हा परिषदेच्या ५ हजार ७४४ कर्मचारी, महसूल विभागाच्या ४६७ कर्मचाऱ्यांना नोटीसा पाठविल्या आहेत. यामध्‍ये ‘नो वर्क नो पेमेंट’चा असा उल्लेख आहे. मात्र संपातील कर्मचारी हे संपावर ठाम आहेत.
सोलापूरात ६० शस्त्रक्रिया रखडल्या
जुनी पेन्शन योजना या मागणी करता मागच्या तीन दिवसांपासून शासकीय आणि निमशासकीय कर्मचारी बेमुदत संपावर गेले आहेत. यामुळे सोलापूर शासकीय रुग्णालयातील जवळपास ६० शस्त्रक्रिया रद्द कराव्या लागल्या आहेत. मात्र, आरोग्य कर्मचारी आपल्या मागण्यावर ठाम आहेत. याचा थेट फटका सर्वसामान्य सोलापूरकरांना बसत असल्याचे दाहक चित्र सध्या दिसून येत आहे. सोलापूर शासकीय रुग्णालयातील जवळपास 600 कर्मचारी या संपात सामिल झाले आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
