Buldhana News: पहाटेच्या वेळी गाढ झोपेत असताना घराला लागली आग; आरडाओरड केली, पण...

बुलढाणा : डोंगर खंडाळा येथील रात्री तीन वाजेच्या सुमारास घराला अचानक आग लागली. घर पेटल्याने घरात झोपलेल्‍या व्यक्तीचा होरपळून मृत्यू (Death) झाल्‍याची दुर्देवी घटना घडली आहे. या प्रकाराबाबत पोलिस (Police) तपास करत आहेत. (Live Marathi News)

घराला पहाटे तीनच्‍या सुमारास अचानक आग (Fire) लागल्‍याने किसन या इसमाचा मृत्‍यू झाला आहे. घराला आग लागल्‍याचे शेजाऱ्यांनी पाहिले असता त्‍यांनी आरडाओरड केली. यामुळे परिसरातील सर्वजण उठले व आग विझवण्याचा प्रयत्न केला. तसेच ही माहिती पोलिसांना कळविली.

पोलिसांनी तात्काळ अग्निशामक व पोलीस विभाग घटनास्थळी पोहोचले. यानंतर अग्‍नीशामक बंबाच्‍या सहाय्याने आग विझविली. तसेच होरपळून मृत्युमुखी पडलेल्या व्यक्तीला बाहेर काढले. हा व्यक्ती घरात एकटाच राहत होता. या प्रकरणी नेमका काय प्रकार झाला व आग कशी लागली की आग लावली यासंदर्भात पोलीस चौकशी करत आहेत.