Buldhana: गुरे चारण्यासाठी गेलेल्या शेतकऱ्यावर रानडुकराचा जीवघेणा हल्ला

गुरे चारण्यासाठी गेलेल्या शेतकऱ्यावर रानडुकराचा जीवघेणा हल्ला
Buldhana News
Buldhana NewsSaam tv

बुलडाणा : मेहकर तालुक्यामधील पार्रडी येथील शेतकरी शेतामध्ये गुरे चारत असताना रानडुकराने शेतकऱ्यावर हल्ला करून गंभीर जखमी केले. यामुळे जानेफळ येथील प्राथमिक आरोग्य केंद्रात प्राथमिक उपचार करून बुलढाणा (Buldhana) येथे उपचारासाठी पाठवण्यात आले आहे. (Buldhana News Farmer)

Buldhana News
Jalgaon: जिल्हा परिषद आरक्षणात दिग्गजांना झटका

पारडी येथील हिरालाल दासू राठोड (वय 55) हा शेतकरी (Farmer) त्यांच्या हिवरा खुर्द शिवारातील स्वतःच्या शेतामधील धुऱ्यावर गुरे चारत असताना शेतामधून रानडुकरांचा कळप धावत आला. यामुळे गुरे सैरावैरा पळाली. परंतु उभ्या असलेल्या शेतकऱ्यावर दोन डुकरांनी हल्ला चढवत डोक्यावर, कपाळावर, उजव्या डोळ्यावर नाकामधील मध्यभागी, पाठीवर नखाने हल्ला करून जखमी केले. त्यांना उपचारासाठी जानेफळ येथील प्राथमिक (Hospital) आरोग्य केंद्रात उपचारासाठी आणले. वैद्यकीय अधिकारी डॉ. ठाकरे व त्यांच्या सहकाऱ्यांनी त्यांच्यावर प्राथमिक उपचार करत गंभीर दुखापत असल्याने पुढील उपचारासाठी बुलढाणा येथे त्यांना पाठविण्यात आले.

वन विभागाकडून पंचनामा

मौजे पारडी येथील पोलीस पाटील अमोल शिलार यांनी संबंधित कर्मचाऱ्यांना माहिती दिली असता वनरक्षक के. बी. धनगर यांनी शेतकऱ्यावरील रानडुकराच्या हल्ल्याची माहिती करता जानेफळ येथील प्राथमिक आरोग्य केंद्रात सदर शेतकऱ्याची चौकशी करून पंचनामा केला. त्याचे प्राथमिक उपचार करून त्यांना पुढील उपचारासाठी बुलढाण्याला पाठवण्यासाठी सहकार्य केले. सदर अहवाल वनविभाग यांना पाठवून वन विभाग या शेतकऱ्याला तात्काळ मदत करतील अशी अपेक्षा जनता करीत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com