Buldhana: मुले चोरणारी महिला समजून तृतीय पंथियाला जमावाची बेदम मारहाण...

तृतीयपंथियाच्या तक्रारीवरून आठ जणांवर गुन्हा दाखल; पाच अटकेत, तीन फरार
Jalgaon Jamod Police Station
Jalgaon Jamod Police StationSaam Tv

बुलढाणा - मुलं चोरणारी महिला समजून जमावाने एका तृतीय पंथीयला बेदम मारहाण केल्याची धक्कादायक घटना बुलढाण्यातील (Buldhana) जळगाव जामोद (Jalgaon Jamod) येथे घडली आहे. आता या तृतीय पंथियाच्या तक्रारीवरून जळगाव जामोद पोलिसांनी आठ जणांविरुद्ध गुन्हा दाखल केला असून पाच जणांना अटक करण्यात आली आहे. तर ३ आरोपी फरार असल्याची माहिती समोर आली आहे.

काय आहे संपूर्ण प्रकरण ?

जळगाव जामोद येथे काल सायंकाळी लहान मुले चोरणारी महिला समजून एका तृतीय पंथीयाला जमावाने बेदम मारहाण केली. सायरा नावाची तृतीय पंथीय अकोट येथील फॅशन शो बघून मलकापूर कडे परत जात असताना जळगाव जामोद येथील जुना बस स्टँड परिसरात जमावाने मुले चोरणारी टोळी समजून या तृतीयपंथीयाला बेदम मारहाण केली.

हे देखील पाहा -

या तृतीयपंथीयाला मारहाण करत जमावाने पोलीस स्टेशनमध्ये नेलं. चौकशी केली असता सायरा नावाची ही तृतीय पंथीय मलकापूर येथील असून ती आकोट येथून मलकापूर कडे जात असताना हा प्रकार घडला .आता या तृतीय पंथीयाने जळगाव जामोद पोलिसात तक्रार दिली आहे व मारहाण करणाऱ्या जमावा विरुद्ध कारवाई करण्याची मागणी केली आहे.

जळगाव जामोद पोलिसांनी आतापर्यंत व्हिडिओत दिसणाऱ्या पाच जणांना ताब्यात घेतलं असून इतर मारहाण करणाऱ्यांचा शोध पोलीस घेत आहेत. दरम्यान सायराला बेदम मारहाण केल्यामुळे तिला जळगाव जामोद ग्रामीण रुग्णालयात दाखल करण्यात आला आहे.

Jalgaon Jamod Police Station
Asad Rauf : बीसीसीआयनं बंदी घातलेल्या पाकिस्तानी पंच असद रऊफ यांचं निधन

दरम्यान जळगाव जामोद येथे तृतीय पंथीयाला जमावाने मारहाण केली. मुले पळवणारी बाई म्हणून तृतीय पंथीला बेदम मारहाण करण्यात आली. या घटनेचा तृतीय पंथीयाचे नेते मोगराबाई किन्नर यांनी निषेध केला आहे . पोलिसांनी मारहाण करणाऱ्या आरोपींवर कडक कारवाई करावी अन्यथा संपूर्ण महाराष्ट्रातील तृतीय पंथीय याचा निषेध करत जळगाव जामोद येथे जमतील व या जमावाला धडा शिकवेल असाही इशारा तृतीय पंथीय यांचे नेते मोगराबाई किन्नर यांनी दिला आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com