बुलढाणा : जळगाव जामोद (Jalgaon) तालुक्यातील सुनगाव हे जवळपास 11 ते 12 हजार लोकसंख्येचे गाव असून या ठिकाणी मोठ्या प्रमाणात (Buldhana) अवैध गावठी दारू विक्री केली जाते. तसेच अवैध धंदे चालू असून या ठिकाणी अवैधरीत्या सर्वच कंपनीची दारू सहज मिळत आहे. या विरोधात महिला आक्रमक झाल्या असून दारूबंदीसाठी निवेदन दिले. (Tajya Batmya)
काही अवैध दारूची दुकाने शाळेच्या 50 मीटरच्या परिसरामध्ये असून त्यामुळे विद्यार्थ्यांवर याचा मोठा परिणाम होताना दिसत आहे. शाळेमध्ये जाणाऱ्या विद्यार्थ्यांना (Student) काही असंतोषी दारुडे नाहक त्रास देताना दिसतात. तसेच काही विद्यार्थीही दारू प्यायाला लागले आहेत. त्यातच सुनगाव येथील डॉ. बाबासाहेब आंबेडकर यांच्या पुतळ्याजवळही अवैध देशी दारू गावरान दारू विक्रीचा धंदा सुरू असून मध्दधुंद लोक दारू पिऊ त्या ठिकाणी शिवीगाळ करतात.
अखेर महिलांची धडक
अनेक वेळा नागरिकांनी तेथील दारू विक्रेत्याला सांगितले. परंतु त्याने अरेरावीची भाषा वापरून खोट्या तक्रारी करण्याच्या धमक्या नागरिकांना देत आहे. हे सर्व धंदे बंद करण्यात यावेत; या मागणीसाठी शेकडो महिलांनी जळगाव जामोद पोलीस स्टेशनला जाऊन निवेदन देऊन मागणी केली आहे. निवेदन देतेवेळी वंचित बहुजन महिला आघाडीच्या पार्वताबाई इंगळे यांच्यासह असंख्य महिलांनी पोलीस स्टेशनवर धडक दिली.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.