बुलढाणा थरारक..! धावत्या एस टी बस चे निखळले चाक...

बुलढाणा : अकोला जिल्ह्यातील तेल्हारा येथून शेगावकडे येणाऱ्या तेल्हारा आगाराचे एसटी बसला कालखेड गावाजवळ अपघात होता होता वाचला आहे. चालकाच्या प्राण गावधानाने बसचा अपघात टळला आहे. या अपघातात प्रवासी जखमी झाले नाहीत. धावत्या बसचे मागील एक चाक निखळलेल्याने नंतर काही अंतरापर्यंत सदर बस राशीत धावत होती. चालकांच्या लक्षात येताच प्रसंगावधान राखत एस टी बसला नियंत्रणात करण्यात आले आहे.

हे देखील पहा-

राज्य परिवहन महामंडळाच्या बसचे काही ना काही प्रताप समोर येत असतात पण हा प्रकार मात्र, अनेक प्रवाशांच्या जीवावर बेतणारा होता. तेल्हारा येथून निघालेल्या बसचे मागचे एक चाक पूर्णपणे निखळलेले होते. शेगावकडे ही बस मार्गावर धावतच होती. मागचे चाक निखळले की ही बस उलटी- पलटी होणार हे उघड होते. दुसरे चाकही हळू-हळू ते निघून पडण्याच्या बेतात होते. हे चाक निघताच बसला मोठा अपघात होणार हे स्पष्ट असले तरी याची कुणालाच चाहूल नव्हती.

मात्र चालक यु. एम. माहोकार यांनी प्रसंगावधान राखत एस टी बसला नियंत्रित केल्यामुळे पुढील अनर्थ टाळला आहे. यानंतर चालक मोहोकर आणि वाहक वानखडे यांनी सर्व प्रवाश्यांना दुसऱ्या बसमध्ये बसवून दिले आहे. आणि तेल्हारा आगारातून तातडीची मदत मागविली होती.

Edited By- Digambar Jadhav