Jalna News : दावणीला बांधलेल्या बैलासमोर नागाने काढला फणा; पुढे काय झालं? पाहा VIDEO

सलग 20 मिनिटे फणा काढून नागाने बैलाला घाबरवण्याचा प्रयत्न केला.
Jalna Ambad Snake News
Jalna Ambad Snake NewsSaam TV

जालना : सध्या राज्यभरात मुसळधार पाऊस (Rain) सुरू आहे. पावसामुळे नदी-नाल्यांना पूर आला असून अनेक ठिकाणी जलमय परिस्थिती निर्माण झाली आहे. बिळात पाणी गेल्याने सापांचा मुक्त संचार देखील वाढला आहे. त्यामुळे ठिकाणी विषारी साप नागरिकांच्या नजरी पडत आहेत. अशीच एक घटना जालना (Jalna) जिल्ह्यात घडली. शेतकऱ्याने दावणीला बांधलेल्या एका बैलासमोर सलग 20 मिनिटे फणा काढून नागाने बैलाला घाबरवण्याचा प्रयत्न केला. मात्र दावणीला बांधलेला बैल जराही या नागाला न घाबरता मोठ्या तोऱ्यात टाईट उभा राहिला. (Jalna Todays News)

Jalna Ambad Snake News
राष्ट्रगीत सुरू झालं अन् अख्खी अंतयात्रा थांबली; बुलडाण्यात नेमकं काय घडलं?

समोर फणा काढून डोलत असलेल्या नागाचा जराही या बैलावर परिणाम झाला नाही. सदरील प्रकार जालना जिल्ह्यातील अंबड तालुक्यातील लोणार भायगाव येथे घडला. सापासमोर तोऱ्यात उभ्या असलेल्या या बैलाला पाहण्यासाठी नागरिकांनी गर्दी केली होती. काही ग्रामस्थांनी मोबाईलमध्ये ही घटना कैद केलीये.

अंबड तालुक्यातील लोणार भायगाव येथील शेतकरी सोनाजी जाधव यांच्या शेतातील बखारीसमोर असलेल्या लिंबाच्या झाडाखाली बैलाला बांधण्यात आलं होतं. या ठिकाणी बैल चारा खात असताना बैलासमोर अचानक पाच फूट लांब असलेला नाग आला. आणि बैलासमोर येऊन फणा काढून सलग 20 मिनिटे उभा राहिला. (Jalna Latest Marathi News)

या सापाने बैलाला घाबरवण्याचा देखील प्रयत्न केला. पण बैल काही डगमगला नाही.ही बातमी आजूबाजूला असलेल्या ग्रामस्थांपर्यंत गेली आणि बघता बघता रस्त्यावर गर्दी झाली.पण कुणीही नागाला हाकलून लावण्याचा प्रयत्न केला नाही.सगळे शांत उभे राहून नाग आणि बैलाला पाहू लागले.

तब्बल 20 मिनिटांपर्यंत हा नाग बैलासमोर फणा काढून उभा राहिला. पण बैल जराही डगमगला नाही आणि नागानेही त्याला ईजा पोहचवण्याची हिंमत केली नाही. अखेरीस नागाने माघार घेत तेथून धूम ठोकली आणि उभ्या असलेल्या ग्रामस्थांनी बैलाचे कौतुक करत सुटकेचा निश्वास टाकला.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com