Accident News : माणगाव - रायगड रस्त्यावर भीषण अपघात; 10 प्रवासी जखमी

Raigad Bus Accident News: माणगाव ते रायगड (Raigad) रस्त्यावर सहलीवरुन परतत असताना बसचा भीषण अपघात झाल्याची घटना उघडकीस आली आहे. ही बस सुमारे 10 ते 15 फूट खाली कोसळली आहे. या भीषण अपघातात (Accident) 10 प्रवासी जखमी झाल्याची माहिती समोर आली आहे. जखमींना रुग्णलयात दाखल करण्यात आले असून त्यांच्यावर उपचार सुरु आहे. जखमींवर पाचाड प्राथमिक आरोग्य केंद्र येथे त्यांच्यावर उपचार सुरू आहेत.

हे सर्व प्रवासी किल्ले रायगडावर फिरायला गेले होते. फिरून परतत असताना बसला हा अपघात झाला आहे. हे प्रवासी पुण्यातील निगडीचे असल्याची माहिती मिळाली आहे. हा भीषण अपघात काल म्हणजेच 11 नोव्हेंबर रोजी सायंकाळच्या सुमारास झाला. किल्ले रायगड ते निजामपूर मार्गावरील घरोशीवाडीनजीक या बसचा अपघात झाला. अवघड वळणावर बसवरील ताबा सुटला आणि ही बस रस्त्याखाली सुमारे 10 ते 15 फूट कोसळली.

या बसमध्ये पालकांबरोबर त्यांची लहान मुलेही होती. हे सगळे रायगडच्या सहलीसाठी आले होते. रायगडची सहल करुन हे प्रवासी परत जात होते. परतीच्या प्रवास सुरु असताना बसच्या चालकाचा ताबा सुटल्यानं बस रस्त्यावरुन 15 ते 20 फूट खाली दरीमध्ये कोसळल्याची माहिती स्थानिक रहिवाश्यांकडून देण्यात आली आहे.