Accident News : तो प्रवास ठरला अखेरचा, जालना- बीड महामार्गावर बसची दोन दुचाकीला धडक; 2 जण ठार

Jalna Accident News : अंबड कडून बीडच्या दिशेने निघालेल्या बीड आगाराच्या एका बसने २ दुचाकीला जोरदार धडक दिली. या भीषण अपघातात 2 ठार झाले असून एका महिलेसह एक जण गंभीर जखमी झाल्याची घटना घडली आहे. जखमींना रुग्णालयात दाखल करण्यात असले असून त्यांच्यावर उपचार सुरु आहे. (Latest Marathi News)

या अपघातात (Accident) राजू भोईटे, लक्ष्मण घांडगे या दोघांचा जागीच दुर्दवी मृत्यू झाला आहे तर रोहिदास बर्डे आणि शिला भोईटे हे दोनजण गंभीर जखमी झाले आहे. त्यांना उपचारासाठी अंबड येथील उपजिल्हा रुग्णालयात दाखल करण्यात आले आहे.

बीडच्या (Beed) दिशेने जाणाऱ्या या महामंडळाच्या बसने अंबड कडे जाणाऱ्या तरुणाच्या दुचाकीला जोरदार धडक दिली त्यानंतर या बस चालकाचे बस वरील नियंत्रण सुटल्याने समोरून येणाऱ्या दुसऱ्या दुचाकीला जोरदार धडक दिली.

या अपघातात दोघांचा जागीच मृत्यु झाला तर दुसऱ्या दुचाकीवरील महिलेसह एक जण गंभीर जखमी झाले आहेत. बसचा वेग जास्त असल्याने ही बस रोड शेजारी असलेल्या खड्ड्यात जाऊन उलटली.

घटनेची माहिती मिळताच परिसरातील नागरीकांनी जखमींना उपचरासाठी अंबड येथील जिल्हा उपरुग्णालय दाखल केले असून दोघांची प्रकृती गंभीर आहे. दरम्यान, या प्रकरणी अंबड पोलीस ठाण्यात घटनेची नोंद करण्यात आली आहे.