सर्वात मोठी बातमी! एकनाथ शिंदे मुंबईकडे? गुवाहाटीतून विमानतळाच्या दिशेने रवाना

मुंबई : आताची सर्वात मोठी आणि महत्वाची माहिती समोर आली आहे. शिवसेना (Shivsena) नेते एकनाथ शिंदे गुवाहाटी विमानतळाकडे रवाना झाल्याची माहिती आहे. शिंदे (eknath shinde) हे हॉटेलबाहेर एकटेच पडले आहे. त्यांच्यासोबत असलेले इतर आमदार हे हॉटेलमध्येच आहे. त्यामुळे शिंदे नेमके कुठे गेले याबाबतची चर्चा सुरू झाली आहे. या सर्व घडामोडींच्या पार्श्वभूमीवर काही कायदेशीर सल्ला घेण्यासाठी कायदेतज्ज्ञांकडे गेलेत का? अशी चर्चा आता सुरू झाली आहे. सूत्रांच्या माहितीनुसार, एकनाथ शिंदे हे आज दुपारनंतर ते मुंबईकडे रवाना होणार असल्याची माहिती आहे. (Eknath Shinde Latest News)

विशेष बाब म्हणजे शिवसेनेने बंडखोरांना धडा शिकवण्यासाठी कायद्याचा अधिकार घेतला आहे. एकनाथ शिंदे यांना समर्थन दिलेल्या 17 आमदारांना पक्षांतरबंदी कायद्याअंतर्गत अपात्र ठरवावं अशी मागणी करणारी याचिका शिवसेनेच्या वतीने विधानसभा उपाध्यांकडे करण्यात आली आहे. एकनाथ शिंदे यांच्या १२ समर्थक आमदारांना पक्षांतरबंदी कायद्याखाली अपात्र ठरवावं अशी मागणी करणारी याचिका शिवसेनेच्या वतीने विधानसभा उपाध्यक्षांकडे करण्यात आली आहे.

शिवसेनेनं कायद्याचा अधिकार घेतल्यानंतर, एकनाथ शिंदे यांच्या गटासमोरील अडचणीत वाढ झाली आहे. त्यातच शिवसेना विधीमंडळ गटनेता पदावर एकनाथ शिंदे यांनी केलेला दावा विधानसभा प्रभारी अध्यक्ष नरहरी झिरवळ यांनी फेटाळून लावला आहे. झिरवळ यांनी गटनेता पदावर शिवसेनेचे अजय चौधरी तर प्रतोद पदावर सुनिल प्रभू यांना मान्यता दिली आहे. (Eknath Shinde Marathi News)

दरम्यान, शिवसेनेनं कायद्याचा अधिकार घेतल्याने एकनाथ शिंदे हे आता नेमका काय निर्णय घेणार याकडे सर्वांचंच लक्ष लागलं आहे. अशावेळी गुवाहाटी येथील एका हॉटेलमध्ये आमदारांसह थांबलेले एकनाथ शिंदे हे हॉटेलमधून एकटेच बाहेर पडले असल्याची माहिती सूत्रांनी दिली आहे. त्यामुळे एकनाथ शिंदे आता गुवाहाटीतून थेट मुंबईच्या दिशेने येणार की, दुसरीकडे जाणार हेच पाहणं महत्वाचं ठरणार आहे.