Political News : भर चौकात महिलेला मारहाण, सुप्रिया सुळे संतापल्या; महिला सुरक्षित आहे का? म्हणत साधला सरकारवर निशाणा

Supriya Sule Latest News : कार ओव्हरटेक केली म्हणून त्या महिलेला भररस्त्यात बेदम मारहाण केली आहे.
supriya sule
supriya sule saam tv

Supriya Sule: ' राज्याच्या गृहमंत्र्यांच्या शहरात महिलेला भरचौकात मारहाण करण्यापर्यंत मजल जाते. कायदा सुव्यवस्थेचा धाक या राज्यात आहे की नाही? या राज्यात महिला सुरक्षित आहे का ? या प्रकरणाचा कसून तपास होऊन या व्यक्तीला कठोर शासन झालेच पाहिजे, अशी मागणी राष्ट्रवादी काँग्रेस पक्षाच्या खासदार सुप्रिया सुळे यांनी केली आहे. (Viral Video)

आज (शनिवारी) नागपूर शहरात एक धक्कादायक घटना घडली. कार ओव्हरटेक केली म्हणून त्या महिलेला भररस्त्यात बेदम मारहाण करण्यात आली. महिलेला मारहाण करताना एका व्यक्तीने या घटनेचा व्हिडिओ देखील रेकॉर्ड केला. हा व्हिडिओ आता सोशल मीडियावर जोरदार व्हायरल होत आहे.

supriya sule
Nagpur Crime News : ओव्हरटेक करण्यावरून वाद, भररस्त्यात कारचालकाचं महिलसोबत धक्कादायक कृत्य; VIDEO व्हायरल

नेमकं काय घडलं?

नागपूरच्या जरीपटका पोलीस ठाण्याअंतर्गत इंदोरा चौकाजवळ दुचाकी चालक महिला आणि कारचालक पुरुषामध्ये फ्री स्टाईल हाणामारी झाली. महिला आपल्या दुचाकीने जात होती. त्यावेळी महिलेने समोर असलेल्या चारचाकीला ओव्हरटेक केलं. त्यानंतर त्या कारचालकाने महिलेला बेदम मारहाण केली. शिवशंकर श्रीवास्तव असे आरोपी कार चालकाचे नाव आहे. ही घटना दुपारी एक वाजता इंदोरा चौकातून भीम चौकाकडे जाणाऱ्या मार्गावर घडली.

supriya sule
Crime News : धक्कादायक! कारागृहात कैद्याला बेदम मारहाण; ६ जणांवर गुन्हा दाखल

मिळालेल्या माहितीनुसार, आरोपी कार चालक इंदोरा चौकातून भीम चौकाकडे जात होता. दरम्यान, मागून दुचाकीवरून येणाऱ्या महिलेने त्याला ओव्हरटेक केले. महिला पुढे गेल्याने आरोपी कार चालकाने तिला शिवीगाळ केली. हे ऐकून महिला गाडीतून खाली उतरली आणि आरोपीशी वाद घालू लागली. दोघांमध्ये सुरू झालेला वाद इतका वाढला की हे प्रकरण हाणामारीपर्यंत पोहोचले. आरोपीने कारमधून खाली उतरून महिलेवर हल्ला केला. याच प्रकरणावर सुप्रिया सुळे यांनी संबंधित व्यक्तीला कठोर शासन झालेच पाहिजे, असं म्हटलं आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com