मकाईचे अध्यक्ष दिग्विजय बागल यांच्यावर गुन्हा दाखल...

पंढरपूर - स्वाभिमानी शेतकरी संघटनेचे जिल्हा युवा अध्यक्ष विजय रणदिवे यांना मारहाण केल्याप्रकरणी करमाळ्याच्या मकाई सहकारी साखर कारखान्याचे अध्यक्ष व शिवसेना नेते दिग्विजय बागल यांच्यावर रात्री उशिरा करमाळा पोलीस ठाण्यात गुन्हा दाखल करण्यात आला आहे. मकाई सहकारी साखर कारखान्याकडे मागील गाळप हंगामातील सुमारे 600 कोटींची एफआरपीची रक्कम थकीत आहे.

हे देखील पहा -

थकीत रक्कम शेतकऱ्यांना मिळावी अशी मागणी स्वाभिमानी शेतकरी संघटनेच्या वतीने करण्यात आली होती. या दरम्यान काल कारखान्याचे अध्यक्ष दिग्विजय बागल व स्वाभिमानी शेतकरी संघटनेच्या कार्यकर्त्यांमध्ये हमरीतुमरी व हाणामारी झाल्याचा प्रकार घडला होता. या प्रकारानंतर स्वाभिमानी शेतकरी संघटनेच्या कार्यकर्त्यांनी दिग्विजय बागल यांच्या विरोधात मारहाणीचा गुन्हा दाखल केला आहे.

Edited By - Shivani Tichkule