चांदोली धरण 86 टक्के भरले; सहा हजार क्यूसेक्स पाण्याचा विसर्ग

सांगलीच्या चांदोली धरण परिसरात मुसळधार पाऊस कोसळत आहे. आज सकाळी आठ ते दुपारी 4 वाजेपर्यंत आठ तासात 75 मिलिमीटर पाऊस येथे बरसला आहे.
चांदोली धरण 86 टक्के भरले; सहा हजार क्यूसेक्स पाण्याचा विसर्ग
चांदोली धरण 86 टक्के भरले; सहा हजार क्यूसेक्स पाण्याचा विसर्गविजय पाटील

सांगली : सांगलीच्या चांदोली धरण परिसरात मुसळधार पाऊस कोसळत आहे. आज सकाळी आठ ते दुपारी 4 वाजेपर्यंत आठ तासात 75 मिलिमीटर पाऊस येथे बरसला आहे. तर गेल्या तीन दिवसांपासून अतिवृष्टी कायम आहे. त्यामुळे धरणाच्या पाणी पातळीत झपाट्याने वाढ झाली आहे.

हे देखील पहा -

परिणामी आज दुपारी धरणाचे दोन दरवाजे उघडून 4 हजार 883 क्युसेक्स पाण्याचा विसर्ग नदीपात्रात सुरू करण्यात आला आहे. वीज निर्मिती केंद्रातून 1125 कयु सेक्स पाण्याचा विसर्ग सुरू आहे. धरण व वीजनिर्मिती असा दोन्ही मिळून सहा हजार आठ क्युसेक्स पाण्याचा विसर्ग नदीपात्रात सुरू आहे.

मुसळधार पाऊस तसेच धरणातील मुख्य दरवाजातून तसेच वीज निर्मिती केंद्रातून करण्यात आलेल्या विसर्गामुळे वारणा नदीच्या पाणी पातळीत वाढ झाली आहे. नदी दुथडी भरून वाहू लागली आहे. काही ठिकाणी नदीचे पाणी पात्राबाहेर गेले आहे. तयामुळे परिसरातील जनजीवन विस्कळीत झाले आहे.

चांदोली धरण 86 टक्के भरले; सहा हजार क्यूसेक्स पाण्याचा विसर्ग
सिंधुदुर्गातील नागरिकांनी अत्यावश्यक असेल तरच घराबाहेर पडावे

धरण पाणलोट क्षेत्रात तसेच चांदोली परिसरात पावसाचा जोर कायम आहे. त्यामुळे धरणातील विसर्ग कोणत्याही क्षणी वाढवण्याची शक्यता आहे. त्यामुळे नदीकाठच्या नागरिकांनी सतर्क रहावे असे आवाहन धरण प्रशासनामार्फत करण्यात आले आहे.

Edited By : Krushnarav Sathe

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com