'मुख्यमंत्री चिठ्ठ्या वाचून बोलत होते'; एकनाथ शिंदेंच्या भाषणावर शिवसेना नेत्याची टीका

'मुख्यमंत्री हे चिठ्ठ्या वाचून बोलत होते, अशा शब्दात शिवसेना नेते, माजी खासदार चंद्रकांत खैरे (Chandrakant Khaire) यांनी टीका केली आहे.
Chandrakant Khaire news
Chandrakant Khaire newssaam tv

नवनीत तापडिया

Chandrakant khaire news : मुख्यमंत्री एकनाथ शिंदे यांची आज, सोमवारी औरंगाबादच्या पैठणमध्ये सभा झाली. या सभेतून मुख्यमंत्र्यांनी शिवसेना नेते आणि ठाकरे कुटुंबावर जोरदार टीका केली. मुख्यमंत्र्यांनी शिवसेना नेतृत्वावर टीका केल्यानंतर माजी खासदार चंद्रकांत खैरे यांनी त्यांना जोरदार प्रत्युत्तर दिलं आहे.'मुख्यमंत्र्यांच्या बोलण्यात कुठेही तथ्य नव्हतं. मुख्यमंत्री हे चिठ्ठ्या वाचून बोलत होते, अशा शब्दात शिवसेना नेते, माजी खासदार चंद्रकांत खैरे (Chandrakant Khaire) यांनी टीका केली आहे.

Chandrakant Khaire news
सुप्रियाताईंना २ मुख्यमंत्र्यांची सवय, रिमोट काढून घेतल्याने नाराजी; मुख्यमंत्र्यांचे पवार कुटुंबीयांवर टीकास्त्र

मुख्यमंत्री एकनाथ शिंदे यांची मंत्री संदिपान भुमरे यांच्या मतदारसंघात तुफान गर्दीत सभा झाली. या सभेत मुख्यमंत्र्यांनी शिवसेना नेतृत्वावर जोरदार टीका केली. त्यानंतर शिवसेनेचे जेष्ठ नेते चंद्रकांत खैरे यांनी मुख्यमंत्री एकनाथ शिंदे यांना जोरदार प्रत्युत्तर दिले आहे. 'मुख्यमंत्र्यांच्या सभेला पैठणमधील फक्त २५ टक्के होते. सभेत गर्दी जमवण्यासाठी पैसे देऊन बाहेरून लोक आणली होती. या सभेला महिलांना ३०० रुपये आणि पुरुषांना ५०० रुपये देऊन गर्दी केलेली होती. हे पैसे देऊन गोळा केलेली सभा होती'.

'मुख्यमंत्र्यांच्या बोलण्यात कुठेही तथ्य नव्हतं. मुख्यमंंत्री चिठ्ठ्या वाचून बोलत होते. बाळासाहेबांचा विचार घेऊन पुढे चालला आहात, तर बाळासाहेबांनी शेवटी आदेश दिला होता की, माझ्या उद्धव आणि आदित्य यांना सांभाळा. मग हे त्यांनाच सोडून का चालले आहे ?, असा सवाल चंद्रकांत खैरे यांनी मुख्यमंत्र्यांना केला.

Chandrakant Khaire news
त्याच बुडबुड्याने तुमची धुलाई..., मुख्यमंत्री एकनाथ शिंदेंची उद्धव ठाकरेंवर टीका

'संदिपान भुमरे एकदम दिमाखात बसलेले होते. त्यांना जनता त्यांची जागा दाखवून देईल. या सभेपेक्षा आदित्य ठाकरे यांच्या सभेला जास्त गर्दी होती. मराठी टक्केवारी वाढवण्यासाठी तुम्ही नगर विकास मंत्री होता, तेव्हा का फिरले नाहीत? स्टाईलने शब्द दिला की स्वतःचं ऐकत नाही, म्हणायला काय जातंय ? शिवसेना सोडून गद्दारी केली, तेव्हा कुठे गेला होता शब्द'. असेही चंद्रकांत खैरे पुढे म्हणाले,

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com