बीड : बीडमध्ये एका शिक्षकाच्या पॅनकार्डचा (PanCard) क्रमांक वापरून अज्ञात व्यक्तीने जीएसटी (GST) खाते उघडल्याचा धक्कादायक प्रकार समोर आला आहे. शिवाय या प्रकरणात ३ वर्षाच्या कालावधीत तब्बल ३ कोटी ९६ लाख ८७ रुपयांचे व्यवहार झाल्याचे दिसून आले आहे.
अनिल भानुदास जरे रा. आदित्यनगर , बीड (Beed) असे त्या फसवणूक झालेल्या शिक्षकाचे नाव आहे. २४ जुलैला इन्कमटॅक्स फाईल करण्यासाठी शिक्षक जरे हे गेले असता त्यांना त्यांच्या पॅन क्रमांकावर जीएसटीआयएन नंबर सुरू केल्याचे समजलं. सदरील जीएसटीआयएन क्रमांकावर अज्ञात व्यक्तीने व्यवसायाचे नावे भानुदास इंड्रस्ट्रीज तर प्रोप्रायटर म्हणून अनिल भानुदास जरे अशा नावाचा गैरवापर केला आहे.
पाहा व्हिडीओ -
संबंधित व्यवसायासाठी अ - ९ रेणुका नगर एमआयडीसी , अहमदनगर महाराष्ट्र असा पत्ता दिलेला आहे. असून जीएसटीआयएनसाठी ई - केवायसी झालेली नाही . या अज्ञात व्यक्तीने २०२०-२१ मध्ये आर 3 बी नुसार ३२ लाख ५० हजार ४५ , आर -1 नुसार ५ लाख ८२ हजार , २०२१-२२ मध्ये १ कोटी ९० लाख १० हजार ७०० तर आर -1 नुसार १ कोटी ६८ लाख ४६ हजार रुपयांचा व्यवहार केला असल्याचे दिसून येत आहे. दरम्यान याप्रकरणी अज्ञात व्यक्ती विरोधात बीडच्या शिवाजी नगर पोलीस ठाण्यात गुन्हा दाखल करण्यात आला आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.