''छत्रपती संभाजी राजेंनी भारतीय जनता पक्ष सोडावा''

अशा परिस्थितीमध्ये नॉनपोलिटिकल अजेंडा घेऊन जर संभाजी महाराज आले तर तर येत्या 9 तारखेला होणाऱ्या आंदोलनाला चार चाँद लागतील.
''छत्रपती संभाजी राजेंनी भारतीय जनता पक्ष सोडावा''
''छत्रपती संभाजी राजेंनी भारतीय जनता पक्ष सोडावा''Saam Tv

विष्णूभुषण लिमये

सोलापूर: कन्नडचे माजी आमदार आणि रावसाहेब दानवे यांचे जावई हर्षवर्धन जाधव यांनी खासदार छत्रपती संभाजीराजेंना भारतीय जनता पक्ष सोडण्याचा सल्ला दिला आहे. येत्या 9 तारखेला जाधव हे दिल्लीत मराठा आरक्षणासाठी जंतर-मंतर वरती लोकव्यापी आंदोलन करणारं आहेत. त्याअनुषंगाने ते महाराष्ट्र दौऱ्यावर आहेत. दरम्यान जाधव पुढे म्हणाले, "भारतीय जनता पक्षाने मराठा समजला मराठा आरक्षणाच्या संदर्भात दोनदा फसवलं आहे, आणि आज ही फसवत आहे.

अशा परिस्थितीमध्ये नॉनपोलिटिकल अजेंडा घेऊन जर संभाजी महाराज आले तर तर येत्या 9 तारखेला होणाऱ्या आंदोलनाला चार चाँद लागतील. दरम्यान,महाराजांची गादी ही राजकारणापेक्षा मोठी आहे. राजकारणामध्ये आमदार,खासदार होता येत पण शिवछत्रपतींचा वंशज होता येत नाही.

त्यामुळे संभाजीराजेंनी खासदारकी-आमदारकी सारख्या लोकप्रतिनिधी पदांच्या गादीला लाथ मारून आपल्या गादीच श्रेष्ठत्व राखून त्यांनी आंदोलनात आलं पाहिजे आणि त्यांनी जर राजीनामा दिला तर आम्ही त्यांच्याबरोबर काम करायला तयार आहोत."

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com