Chhatrapati Sambhajinagar Car Fall into River : छत्रपती संभाजीनगर-जळगाव मार्गावर भीषण अपघात; भरधाव कार थेट नदीत कोसळली

Chhatrapati Sambhajinagar : छत्रपती संभाजीनगर-जळगाव मार्गावरील भीषण अपघात झाला आहे. माणिकनगर येथील पूर्णा नदीच्या पुलावरून कार नदीत पडल्याने तिघे जण जखमी झाले आहेत. त्यातील दोघांची प्रकृती चिंताजनक आहे.

सिल्लोडहून छत्रपती संभाजीनगरकडे जाणारी एक कार माणिकनगर येथील पूर्णा नदीवरील पुलाच्या तुटलेल्या कठड्यातून नदीच्या पात्रात कोसळली. त्या ठिकाणी नदीचे पात्र आणि पुलाची उंची जवळपास ३० ते ३५ फूट इतकी आहे. (Latest Marathi News)

शिवाजी नामदेव पांडे (४५), संदीप जनार्दन पिसाळ (३०) आणि मयूर सुनिल राऊत (२३) अशी जखमींची नावे आहेत. सर्व सिल्लोड तालुक्यातील राहणारे आहेत . या जखमींना स्थानिक नागरिकांनी तातडीने रुग्णवाहिकेच्या मदतीने सिल्लोड उपजिल्हा रुग्णालयात दाखल केले आहे. (Accident News)