नवनित तापडिया, प्रतिनिधी...
Chhatrapati Sambhajinagar Crime: उसने दिलेले पैसे परत मागितल्याने भावानेच भावाला दांडक्याने मारहाण केल्याची धक्कादायक घटना समोर आली आहे. छत्रपती संभाजीनगरच्या नारेगाव भागात ही घटना घडली असून यामुळे परिसरात एकच खळबळ उडाली आहे.
याबाबत अधिक माहिती अशी की, सहा वर्षांपूर्वी उसने दिलेले दोन लाख रुपये परत मागण्यासाठी गेलेल्या भावाचे डोके भावानेच दांड्याने मारहाण करून फोडल्याची घटना शहराजवळील नारेगाव भागात उघडकीस आली आहे.
अताउर रहेमान अब्दुल रहेमान सिद्दीकी यांनी भाऊ जहाउर रहेमान अब्दुल रहेमान सिद्दीकी यांना सहा वर्षांपूर्वी दोन लाख रुपये उसने दिले होते. ते मागण्यासाठी अताउर पत्नीसह जहाउर यांच्याकडे गेले असता त्यांच्यावर भावाने हल्ला केला. (Latest Marathi News)
वडील अब्दुल रहेमान मुनीम सिद्दीकी, बहीण महेशरजहाँ अब्दुल रहेमान या तिघांनी अताउर आणि त्याच्या पत्नीला पैसे देण्यास नकार देऊन शिवीगाळ करून बेदम मारहाण केली. ज्यामध्ये ते गंभीर जखमी झाले आहेत. या प्रकरणी एमआयडीसी सिडको पोलिस ठाण्यात गुन्हा नोंदविण्यात आला असून पोलिस या घटनेचा अधिक तपास करत आहेत. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
