नवनीत तापडिया, प्रतिनिधी...
Salvadgaon Crime News: छत्रपती संभाजीनगरच्या पैठण तालुक्यातून एक हादरवून सोडणारी घटना समोर आली आहे. कर्जबाजारपणाला कंटाळून पती पत्नीने विहरीत उडी टाकून जीवन संपवल्याचे प्रकरण उघडकीस आले आहे. या धक्कादायक प्रकारानंतर परिसरात एकच खळबळ उडाली आहे. (Chhatrapati Sambhajinagar Crime)
याबाबत अधिक माहिती अशी की, पैठण (Paithan) तालुक्यातील सालवडगाव येथे पती पत्नीने कर्जाला कंटाळून विहरीत उडी घेवून आत्महत्या केल्याचे समोर आले आहे. देविदास बाबुराव पाचे आणि मीरा देविदास पाचे असे मृत पती-पत्नीचे नाव आहे. दोघांचे मृतदेह विहरीत आढळल्याने गावात एकच खळबळ उडाली. (Latest Marathi News)
याबाबत गावकऱ्यांकडून घटनेची माहिती पाचोड पोलीस ठाण्याचे सहाय्यक पोलीस निरीक्षक संतोष माने यांना देण्यात आली. पोलिसांनी तात्काळ घटनास्थळी धाव घेत पती पत्नीचे मृतदेह गावकऱ्यांच्या मदतीने विहीरीच्या बाहेर काढण्यात आले. तसेच मृतदेह पाचोडच्या ग्रामीण रुग्णालयामध्ये शव विच्छेदनासाठी पाठवण्यात आले. या घटनेने तालुक्यात एकच खळबळ उडाली आहे. (Chhatrapati Sambhajinagar)
दरम्यान, हे दोघे पती-पत्नी गेल्या अनेक दिवसापासून काढलेल्या कर्ज फेडण्याच्या तणावाखाली असल्याची नातेवाईकांनी सांगितले आहे. त्यामुळेच पती पत्नीने मृत्यूला कवटाळल्याचे सांगितले जात आहे. या प्रकरणी पाचोड पोलीस ठाण्यात अकस्मात मृत्यूची नोंद करण्यात आली असून पोलिस या घटनेचा अधिक तपास करत आहेत. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
