Wagh Nakh News: शिवरायांची वाघनखं ब्रिटनमधून भारतात परत येणार, मुनगंटीवार यांची माहिती...

Chhatrapati Shivaji Maharaj Wagh Nakh News:

महाराष्ट्र सरकार आता छत्रपती शिवाजी महाराजांची वाघनखं ब्रिटनमधून पुन्हा भारतात आणणारा आहे. ज्या वाघनखांनी अफझल खानाचा वध केला, तीच वाघनखं परत आणली जाणार आहे. ही वाघनखं परत देण्यात ब्रिटन संग्रहालयाची मंजुरी आहे. त्यामुळे महाराष्ट्र सरकार ब्रिटन संग्रहालयाशी करार करणार आहे.

महाराजांची वाघनखं महाराष्ट्रात परत आणण्यासाठी मंत्री सुधीर मुनगंटीवार हे लंडनला जाणार आहेत. मुनगंटीवार हे लंडनला जाऊन वाघनखं घेऊन येणार असल्याची माहिती मिळत आहे.

याबाबत बोलताना सुधीर मुनगंटीवार म्हणाले आहेत की, ''मी मुख्यमंत्री एकनाथ शिंदे यांना याबाबा विनंती केली, तेही एमओयू करताना उपस्थित राहणार आहेत. नोव्हेंबर महिन्यात योग्य तिथीवर वाघनखं परत आणला जाणार आहे.राज्य सरकारच्या वतीने मुख्यमंत्री आणो दोन्ही उपमुख्यमंत्री यांच्या हे वाघनखं महाराष्ट्रात आण्याचे आहेत.'' (Latest Marathi News)

मुनगंटीवार म्हणाले की, साडेतीनशेव्या वर्षानिमित्य महाराष्ट्र सरकारकडून विविध कार्यक्रमाचे आयोजन केले आहे. 12 डाकतिकीट काढले जाणार आहे. दोन तिकीट काढले आहेत. मुख्यमंत्री एकनाथ शिंदे यांच्या उपस्थित जय भवानी, जय शिवाजी जयघोष करत रायगडावर राज्याभिषेक सोहळा पार पडला.

ते म्हणाले, महाराजांनी दुराचारी अफजल खानाचा वध केला. अशा अफजल खानाच्या कबरीचे अतिक्रम काढले. ज्या वाघनखाणी त्या अफजल खानाचा कोथळा काढला ते वाघनखं आणले जाणार आहे.

मुनगंटीवार पुढे म्हणाले, वाघनखं आणून गावा गावात फिरवता येणार नाही. छत्रपती शिवाजी महाराज संग्रहालयात ठेवू, जय भवानी जय शिवाजीचा जयघोष होईल, तलवारीची माहिती घेतली. ती छत्रपती उदयनराजे यांच्या संग्रहालयात आहे, ब्रिटिश मध्ये नेली ती जगदंबा तलवार होती. त्याकाळात माणिक मोती जडीत ती तलवार पूजेसाठी वापरली जायची. ती जगदंबा तलवार सुद्धा भारतात आणण्यासाठी सकारात्मक प्रयत्न सुरु आहेत.