'...तोपर्यंत स्वस्थ बसणार नाही'; मुख्यमंत्री एकनाथ शिंदेचं मराठा समाजाला आश्वासन

औरंगाबाद: मराठा समाजाला न्याय दिल्याशिवाय आपलं सरकार स्वस्थ बसणार नाही असं आश्वासन मुख्यमंत्री एकनाथ शिंदे (Eknath Shinde) यांनी मराठा समाजाला दिलं. मुख्यमंत्री सध्या राज्याच्या दौऱ्यावर आहेत. ते काल औरंगाबाद शहरात असताना शहरातील टीव्ही सेंटर येथील छत्रपती संभाजी महाराज यांच्या पुतळ्याला अभिवादन केल्यानंतर माध्यमांशी बोलत होते.

मुख्यमंत्री म्हणाले, 'औरंगाबादमध्ये मुख्यमंत्र्यांनी मराठा (Maratha) समाजाला आश्वासन दिलं की या मराठ्यांना न्याय दिल्याशिवाय आपलं सरकार स्वस्थ बसणार नाही. शिवाय राज्यात साडेसात हजार पोलीस कर्मचाऱ्यांची भरती करणार असल्याचं मुख्यमंत्र्यांनी सांगितलं. तसंच टीव्ही सेंटर येथील छत्रपती संभाजी महाराज पुतळ्याच्या नूतनीकरणासाठी शिंदे यांची पाच कोटी रुपयांची घोषणा मुख्यमंत्र्यानी केली.

पाहा व्हिडीओ -

यावेळी बोलताना ते म्हणाले, 'कालपासून जनतेचा पाठिंबा मिळतोय आम्ही घेतलेली भूमिका तुम्हाला पटलेली आहे ना? असा प्रश्न विचारताचं लोकांनी हो म्हणत मुख्यमंत्र्यांना सहमती दर्शवली. ते पुढे म्हणाले, बाळासाहेबांचे, धर्मवीरांचे विचार पुढं घेऊन निघालो आहे.

बाळासाहेब ठाकरे (Balasaheb Thackeray) आणि अटल बिहारी वाजपेयीजी, प्रमोद महाजन यांनी जी युती केली होती, ती पुढे घेऊन चाललो आहे. हे सरकार सर्वसामान्याचं आहे. समाजातल्या प्रत्येक घटकांचं आहे. पोलीस भरतो लवकर होणार, पहिल्या टप्प्यात साडे सात हजार आणि पुढच्या टप्प्यात अधिक होईल. तरुणांना रोजगार देण्याचं काम आपलं सरकार करणार आहे. ज्यांनी ज्यांनी आम्हाला त्रास दिला, ते आपापल्या कर्माने जातील अशी नाव न घेता टीका त्यांनी संजय राऊतांवर केली.

तसंच मराठा समाजाला न्याय दिल्याशिवाय आपलं सरकार स्वस्थ बसणार नाही. महिला भगिनींना न्याय देण्याचा काम आपलं सरकार करेल. पूर परिस्थितीमध्ये जे नुकसान झालंय, त्या शेतकऱ्यांना वाऱ्यावर सोडलं जाणार नाही. औरंगाबादच्या विकासामध्ये कुठी कमी पडू देणार नाही असंही ते यावेळी म्हणाले.

Edited By - Jagdish Patil