मुख्यमंत्री उद्धव ठाकरेंची दरड दुर्घटनाग्रस्त भागाची पाहणी

पुणे : रायगडमधील Raigad दोन वेगवेगळ्या दरड कोसळण्याच्या घटना घडल्या. एकूण मृतांचा आकडा 44 वर पोहोचला आहे. या दुर्घटनेमध्ये ४० जण मलब्याखाली अडकल्याची शक्यता व्यक्त केली जात आहे. मागील दोन दिवसांपासून राज्यात पावसाने जोरदार हजेरी लावली. यामुळे अनेक ठिकाणी दरड कोसळल्याच्या घटना घडत आहेत. आज दुपारी 12 वाजता मुंबईहून हेलिकॉप्टरने महाडकडे मुख्यमंत्री उद्धव ठाकरे Uddhav Thackrey पाहणी साठी रवाना होत आहेत.

हे देखील पहा-

पाऊस सुरु असतानाच रायगडमधील तळीये गावातील 32 घरांवर दरड कोसळली. यामध्ये आतापर्यंत 44 जणांचा मृत्यू झाला आहे. याबद्दल उद्धव ठाकरे दुर्घटनास्थळाची पाहणी करणार आहेत. आज दुपारी 12 वाजता मुंबईहून हेलिकॉप्टरने महाडकडे मुख्यमंत्री उद्धव ठाकरे पाहणी साठी रवाना होत आहेत.

महाड येथील एमआयडीसी हेलिपॅड येथे ते पोहोचणार आहेत. तेथून ते वाहनाने तळीये गावासाठी रवाना होणार आहेत. तळीये येथे दुपारी १.३० वाजता पोहचून ते दुर्घटनाग्रस्त गावाची पाहणी करणार आहेत. हेलिकॉप्टरने दुपारी ३.२० वाजता ते परत महाड होऊन मुंबईकडे रवाना होतील, अशी माहिती मुख्यमंत्री सचिवालय कडून मिळाली आहे.

प्रसारमाध्यमांच्या वृत्तानुसार, एनडीआरफ पथके या दुर्घटनेच्या 48 तासानंतरही दाखल झालेली नाहीत. या दर्घटनेतील मृत्यूमुखी पडलेल्यांच्या वारसांना प्रत्येकी पाच लाख रुपयांची मदत व जखमींच्या उपचाराचा खर्च शासनातर्फे करण्यात येईल, असं मुख्यमंत्री उद्धव ठाकरे यांनी सांगितलं आहे. ही आपत्ती कोसळलेल्या कुटुंबीयांच्या दुःखात आपण सहभागी आहोत, असेही ते म्हणाले आहेत.

Edited By-Sanika Gade