BEED News : राज्यात बालविवाह रोखण्यासाठी विविध उपक्रमाद्वारे मोठ्या प्रमाणात जनजागृती केली जात आहे. त्याचबरोबर बालविवाहासंदर्भात कडक कायदे देखील केले जात आहे. मात्र याच कायद्याची अन जनजागृतीची पायमल्ली कायद्याचे रक्षक असणाऱ्या पोलिसाने (Police) होत असल्याचं धक्कादायक वास्तव समोर आलंय.
बीडच्या (beed) गेवराई पोलीस ठाण्यात पीडित विवाहितेने पोलीस पतीकडून छळ केला जात असल्याची फिर्याद दिली होती. मात्र पीडिता ही अल्पवयीन असल्याचे पोलीस तपासात समोर आल्याने खळबळ उडाली आहे. याप्रकरणात पतीसह सासऱ्याच्या मंडळींवर छळ केल्याप्रकरणी गुन्हा दाखल आहे. मात्र आता पीडिता ही अल्पवयीन असल्यामुळे बालविवाह कायद्यासह पाेक्साेचा गुन्हा दाखल होणार असल्याची माहिती समोर आली आहे. (Maharashtra News)
पोलीस सूत्राने दिलेल्या माहितीवरून, 17 वर्षीय पीडितेने पोलिसात फिर्याद दिलीय. या फिर्यादीत म्हटले आहे, की पीडितेचा पती हा बीड पोलीस दलात आहे. 18 मे 2022 रोजी तिचा रितीरिवाजाप्रमाणे विवाह लावून दिला. त्यानंतर सासरच्या मंडळीने एक महिना चांगले नांदवले. त्यानंतर पती, सासरा, सासू, जाऊ, दीर, नणंद, नणंदेचा नवरा यांनी प्लॉट घेण्यासाठी माहेरहून 15 लाख रुपये घेवून ये म्हणत त्रास देण्यास सुरुवात केली.
त्यावर आई-वडील गरीब असल्याचे सांगितल्यावर इथे रहायचे असेल तर पैसे आणावेच लागतील, असे म्हणून त्रास देण्यास सुरुवात केली. हा त्रास वाढतच राहिल्याने ही बाब पीडितेने वडिलांना सांगितली व त्यानंतर वडील माहेरी घेवून गेले. त्यानंतर मुलीला नांदायला पाठवायचे असेल तर फ्लॉटसाठी 15 लाख रुपये द्या, नाही तर मुलीला पाठवू नका असा निरोप सासरच्या मंडळींनी दिला. त्यानंतर माहेरी येवून पैसे द्यावेच लागतील असे म्हणून पतीने (husband) शिवीगाळ करत मारहाणही केली.
यादिलेल्या फिर्यादीवरुन गेवराई पोलीस ठाण्यात (ता. 2) जानेवारीला पतीसह सासरच्या 8 जणांवर (कलम 498, 323, 504, 506, 34 नुसार) गुन्हा दाखल करण्यात आलाय. दरम्यान या प्रकरणात आता अधिकचा तपास केला जाणार आहे
विवाहितेचे पालक अडचणीत ?
यामुळे सासरच्या मंडळीसह माहेरच्या मंडळींवर बालविवाह लावल्या प्रकरणात गुन्हा दाखल होणार असल्याची माहिती समोर आली त्याचबरोबर पोलीस पतीवर देखील बालविवाह आणि दाखल होणार असल्याची माहिती आहे. दरम्यान कायद्याच्या रक्षकाडूनकडूनच असा प्रकार घडल्याने बालविवाह रोखणार कसे ? असाचं प्रश्न यानिमित्ताने समोर आला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
