- माेबीन खान
शिर्डी : नगर (nagar) जिल्ह्यातील श्रीरामपूर (shrirampur) येथे नगर जिल्हा बँकेच्या (टाऊन शाखा) येथे आज पाऊण वाजता अशोक सहकारी बॅंकेतील सुरक्षा रक्षकाच्या बंदूकीतून अनावधानाने गाेळी सुटल्याने एका शेतक-याचा मृत्यू झाला आहे. आज (शनिवार) दुपारच्या सुमारास ही घटना घडल्यानंतर बॅंक परिसरात नागरिकांची (citizens) माेठी गर्दी झाली. पाेलीस या घटनेचा तपास करीत आहेत. (nagar crime news)
घटनास्थळावरुन मिळालेली प्राथमिक माहिती अशी : अशोक सहकारी बँकेतील सिक्युरिटी गार्ड दशरथ पुजारी (Dashrath Pujari) हे कर्मचा-यां बराेबर नगर जिल्हा सहकारी बँकेच्या टाऊश शाखेत दैनंदिन कामकाजासाठी आले हाेते.
त्यांच्या साेबत असलेले कर्मचारी हे पैसे भरण्यासाठी बँकेत गेले. पुजारी हे बंदूक खांद्याला लावत असताना बंदूकीतून अचानक गाेळी सुटली. या दरम्यान बँकेच्या बाहेर श्रीरामपूर तालुका प्रगत बागायतदार संस्थेचे सभासद अजित विजय जोशी (रा. दत्त मंदिराजवळ, सार्वमत रोड, वार्ड नं. ७, श्रीरामपूर) हे दुचाकी नजीक उभे असताना सुटलेली गोळी त्यांच्या डोक्यात घुसली. त्यामुळे ते रक्तबंबाळ अवस्थेत जागेवरच काेसळले.
यावेऴी बँकेच्या बाहेर माेठ्या संख्येेेने नागरिक जमले. रक्तबंबाळ झालेल्या अजित जाेशींचा जागेवरच मृत्यू झाला हाेता. या घटनेची माहिती समजताच डीवायएसपी संदीप मिटके, पीआय संजय सानप हे घटनास्थळी आले. पाेलिसांनी गर्दी बाजूला करीत आलेल्या रुग्णवाहिकेतून जोशी यांचा मृतदेह साखर कामगार रुग्णालयात पाठवला. अतिरिक्त पाेलीस अधिक्षक स्वाती भोर यांनी घटनास्थळी भेट दिली. या घटनेमुळं परिसरात काही काळ तणावाचे वातावरण निर्माण झाले हाेतेे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.