सांगली : सांगलीच्या (sangli) शिराळा (shirala) तालुक्यातील मिरूखेवाडी येथे भूस्खलनचा (landslide) संभाव्य धोका असलेल्या वाडीतील वस्तीवरील लोकांना खबरदारीचा उपाय म्हणुन वाहनातून स्थलांतरीत केले जात आहे. शिराळा तालुक्यात पावसाचा (Rain) जोर वाढल्याने शिराळा पश्चिम भागातील भूस्खलनचा धोका निर्माण झालेल्या पाच वाडीतील वस्ती पैकी चार ठिकाणच्या ८० कुटुंबातील २५० नागरिकांचे खबरदारीचा उपाय म्हणुन तातडीने स्थलांतर करुंगली येथील लक्ष्मी मंगल कार्यालयात करण्यात आले असल्याची माहिती तहसीलदार गणेश शिंदे (tashildar ganesh shinde) यांनी दिली. (shirala latest marathi news)
भाष्टेवस्ती, कोकणेवाडी, धामणकरवस्ती , मिरूखेवाडी, डफळेवाडी या पाच वाड्यावस्त्यावरील डोंगरांना भेगा पडल्या आहेत. घरात पाण्याचे उन्माळे लागले आहेत. त्यामुळे भूस्खलनचा संभाव्य धोका टाळण्यासाठी प्रशासनाने भाष्टेवस्ती, कोकणेवाडी,धामणकरवस्ती ,मिरूखेवाडी, येथील सध्या ८० कुटुंबातील २५० लोकांना स्थलांतर केले आहे.
स्थलांतरीत केलेल्या नागरिकांना चहा, नाष्टा,दोन वेळचे जेवण याची सोय करण्यात आली आहे. यासाठी ग्रामसेवक, तलाठी, आपत्ती व्यवस्थापन समितीचे सदस्य योग्य ते नियोजन करत आहेत. स्थलांतरीत लोकांची आरोग्य विभागा मार्फत तपासणी करण्यात आली आहे.
शेतीची कामे व जनावरांची देखभाल करण्यासाठी सकाळी लोक गावाकडे जाऊन सायंकाळी परत मुक्कामी येणार आहेत. वृद्ध व लहान मुळे मुक्कामीच राहणार आहेत. डफळेवाडी येथे सध्या जास्त धोका नसल्याने त्या लोकांचे अद्याप स्थलांतर करण्यात आलेले नाही अशी माहिती प्रशासनाने दिली.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
