- संजय राठाेड
Yavatmal News : यवतमाळच्या पुसद तालुक्यातील गहूली इथे दूषित पाण्याच्या पुरवठ्यामुळे गावातील अनेक नागरिकांना गॅस्ट्रो व पोटदुखी या सारख्या गंभीर आजाराची लागण झाली आहे. दरम्यान नागरिकांनी उकळूण पाणी प्यावे असे आवाहन प्रशासनाच्या वतीने करण्यात आले आहे. (Maharashtra News)
संपूर्ण महाराष्ट्राला गहुली या गावची ओळख आहें याच गहुली गावाने महाराष्ट्र राज्याला दोन दोन कर्तबगार मुख्यमंत्री दिले त्याच गहुली गावात आज मात्र नागरी आरोग्याच्या सोई सुविधांचे तीन तेरा वाजले आहेत.
गावातील प्रशासन व्यवस्थेचे ढिसाळ व्यवस्थापन असल्या कारणाने गहुली येथे सार्वजनिक पानवट्याची विहीर असून त्या विहिरीच्या अवतीभवती गावातील नाल्यांच्या सांडपाण्याच्या निचरा होत असल्याने तेच घाण पाणी सार्वजनिक विहिरीच्या स्त्रोतांमध्ये विलीन होते व त्याच पाण्याचा पुरवठा गावातील नागरिकांना पाणी पिण्यासाठी होत आहें.
मागील तीन दिवसापासून या विहिरीचे पाणी पीत असल्याने गावातील अनेक महिला व पुरुषांना, गॅस्ट्रो,व पोटदुखी या सारख्या गंभीर आजाराची लागण झाली. गहुली येथे आरोग्य केंद्राची इमारत असतानाही या केंद्रात एकही निवासी डॉक्टर व नर्सेस राहत नसल्याचे गावातील नागरिकांनी सांगितले तीन दिवसापासून गॅस्ट्रोची लागण झालेले महिला ज्येष्ठ रुग्ण अत्यावस्थेत आहेत.
आरोग्य विभागाच्या जिल्हास्तरावरील वरिष्ठ अधिकारी व तालुका गटविकास अधिकारी यांनी दोन दिवसांपूर्वी गावात दौरा करून महत्त्वपूर्ण सूचना केल्या आहेत. सार्वजनिक विहिरी संदर्भात काही सूचना केल्याने थातूरमातूर कामाची सुरुवात झाल्याचे निदर्शनास आले. सार्वजनिक विहिरीच्या पानवट्याजवळ गावातील महिला कपडे धुण्याचे काम करतात तेच पाणी विहिरीमध्ये जात असल्याने विहिरीच्या पाण्याचे नमुने तपासणीसाठी पाठवले असता हे पाणी पिण्यासाठी अयोग्य असल्याचा अहवाल प्राप्त झाला आहे.
गावात आरोग्य केंद्राची निर्मिती असतानाही अत्यावश्यक असलेले रुग्ण व त्यांचा उपचार मात्र ग्रामपंचायत कार्यालयातच सुरू आहे आरोग्य केंद्राचा ढिसाळ व भोंगळ कारभार निदर्शनास आला आहे. गावामधील सांड पाण्याच्या नाल्यामध्ये अनेक घाणीचे साम्राज्य असून कोणत्याही प्रकारची स्वच्छता केल्या जात नाही तसेच सार्वजनिक विहिरीमध्ये नेहमी साफसफाई करून ब्लिचिंग पावडरचा वापर होत नसल्याचे गावातील नागरिकांनी यावेळी बोलताना सांगितले आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
