"गाढवाने लाथ मारण्याआधीच आम्ही..." उद्धव ठाकरेंची भाजपवर टीका

CM Uddhav Thackeray Speech Live: आपल्या भाषणाच्या सुरूवातीलाच उद्धव ठाकरेंनी भाजपवर जहरी टीका केली.
"गाढवाने लाथ मारण्याआधीच आम्ही..." उद्धव ठाकरेंची भाजपवर टीका
CM Uddhav ThackeraySaam TV

मुंबई : मुख्यमंत्री उद्धव ठाकरे यांच्या जाहीर सभेला सुरूवात झाली. 'जमलेल्या माझ्या तमाम हिंदु बांधवानों, भगिनीनों आणि मातांनो' अशी सुरुवात करत उद्धव ठाकरे यांनी आपल्या भाषणाची सुरुवात केली. आपल्या भाषणाच्या सुरूवातीलाच त्यांनी भाजपवर जहरी टीका केली. "आमचं हिंदुत्व गधाधारी होतं, पण अडीच वर्षांपूर्वी आम्ही तुम्हाला सोडलं. आम्ही गध्याला सोडून दिलं. कारण काही उपयोग नाही त्याचा. जी गाढवं आमच्यासोबत घोड्याच्या आवेशात आमच्यासोबत होती, त्या गाढवानं आम्हाला लाथ मारायच्या आधीच आम्ही त्याला लाथ मारली. बसा बोंबलत" अशी टीका उद्धव ठाकरे यांनी भाजपवर केली. (CM Uddhav Thackeray Speech Live)

CM Uddhav Thackeray
"काँग्रेससोबत असलो, तरी ह्रदयातलं हिंदुत्व सोडलेलं नाही", मुख्यमंत्र्यांनी भाजपला सुनावलं

पुढे बोलतांना उद्धव ठाकरे म्हणाले की, "हल्ली खोटा हिंदुत्वाचा बुरखा घातलेला पक्ष आपल्यासोबत होता, ते देशाची दिशा भरकटवत आहेत. मी मध्ये बोललो होतो की आमचं हिंदुत्व शिवसेनाप्रमुखांनी आम्हाला शिकवलं आहे. ते म्हणाले मला देवळात घंटा बडवणारा हिंदू नको, अतिरेक्यांना बडवणारा हिंदू पाहिजे. तोच धागा घेऊन आपण पुढे जातोय. आपलं हिंदुत्व गदाधारी आहे, इतरांचं घंटाधारी आहे. बसा बडवत घंटा. काय मिळालं, घंटा" असा टोलाही त्यांनी भाजपला लगावला आहे.

"...तर त्यांचे तुकडे करू"

"आपण एक मे जेव्हा साजरा करत होतो, तेव्हा भाजपाची सभा होती. तेव्हा सभेत फडणवीस चुकून बोलून गेले, जे पोटात होतं ते ओठात आलं. त्यांच्या मालकाची इच्छा बोलून गेले की आम्ही मुंबई स्वतंत्र करणार. तुमच्या मालकासकट तुमच्या सतराशे साठ पिढ्या आल्या, तरी इथल्या मर्द मावळ्यामधे जिवंतपणा आहे. मुंबई आंदण म्हणून मिळालेली नाही, मिळवलेली आहे. मुंबईचा लचका तोडण्याचा जो प्रयत्न करेल, त्याचे तुकडे करू" असा इशाराही उद्धव ठाकरे यांनी भाजपला दिला आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.