विदर्भात थंडीची लाट; नागपूरचं तापमान ९ अंशांवर तर अनेक जिल्ह्यात तापमान १० अंशांच्या खाली

नागपूर : उत्तर भारतातील थंडीच्या लाटेचा परिणाम राज्यातही दिसत आहे. राज्यातील तापमानाचा पारा गेल्या काही दिवसात घसललेला दिसून येत आहे. विदर्भातील तापमानाचा (Temperature)  पारा घसरताना दिसत आहे.

हवामान खात्याने देखील विदर्भात थंडीच्या लाटेचा इशारा दिला आहे. नागपूरात गेल्या २४ तासांत या मोसमातील सर्वात कमी ८ अंश सेल्सियस तापमानाची नोंद करण्यात आलीय. त्यामुळे नागरपूरकर कडाक्याच्या थंडीचा अनुभव घेत आहेत.

विदर्भातील अनेक जिल्ह्यात तापमान १० अंश सेल्सिअसच्या खाली आहे. त्यामुळे थंडीच्या लाटेचा इशारा देण्यात आला आहे. आज आणि उद्या थंडीची लाट कायम असून, गोंदिया, नागपूर, अमरावती, यवतमाळ जिल्ह्यात तापमान घटण्याचा अंदाज वर्तवण्यात आला आहे. (Maharashtra News)

उत्तर भारतात सध्या मोठ्या प्रमाणात थंडीची लाट आलीय. त्याचा परिणाम म्हणून विदर्भातंही थंडीच्या लाटेचा इशारा देण्यात आलाय. मध्य महाराष्ट्र आणि मराठवाड्यातील काही भागांसाठी थंडीची लाट ते तीव्र शीत लाटेचा इशारा देण्यात आला आहे.