Video : डॅशिंग जिल्हाधिकाऱ्यांनाच करावा लागला बैलगाडीने प्रवास; आंचल गोयल यांना बकाल रस्त्यांचा खराब अनुभव

IAS Aanchal Goyal Travel By Bullock Cart Video : जिल्हाधिकारी आंचल गोयल यांना जिल्हातील ग्रामीण भागातील रस्त्यांची काय दयनीय अवस्था झाली आहे याचा अनुभव आला आहे.
IAS Aanchal Goyal Travel By Bullock Cart Video
IAS Aanchal Goyal Travel By Bullock Cart Videoराजेश काटर

परभणी: परभणी जिल्ह्यातील बकाल रस्त्यांचा (Bad Roads) अनुभव आता जिल्हाधिकारी आंचल गोयल (Aanchal Goyal) यांनाही आला आहे. मानवत तालुक्यातील पालोदी (Parbhani) येथे वृक्षारोपण आणि बचत गटाला भेट देण्यासाठी त्या जात होत्या. मात्र, त्यांची गाडी खराब रस्त्यामुळे आणि चिखलामुळे गावापर्यंत जात नसल्याने त्यांना चक्क बैलगाडीत बसून गाव गाठावे लागले. यावरुन जिल्हाधिकारी आंचल गोयल यांना जिल्हातील ग्रामीण भागातील रस्त्यांची काय दयनीय अवस्था झाली आहे याचा अनुभव आला आहे. (Aanchal Goyal Latest News)

हे देखील पाहा -

आंचल गोयल या एक डॅशिंग आयएएस ऑफिसर म्हणून ओळखल्या जातात. मात्र, त्यांनाच बकाल रस्त्यामुळे बैलगाडीतून प्रवास करावा लागल्याने रस्त्यांची काय दुर्दशा आहे हे लक्षात येते. मंत्र्यांनी चांगल्या रस्त्यांबाबत वेळोवेळी केलेले दावे फोल ठरल्याचे स्पष्ट होते.

कोण आहेत आंचल गोयल?

आयएएस अधिकारी आंचल गोयल यांच्याकडे परभणी जिल्ह्याच्या जिल्हाधिकारी पदाची सूत्रं न सोपवता ३१ जुलै २०२१ ला अप्पर जिल्हाधिकारी राजेश काटकर यांच्याकडे पदभार सोपवण्यात आला. यावरून परभणीत आंदोलने झाली होती. आंचल गोयल या डॅशिंग अधिकारी म्हणून प्रसिद्ध असल्याने जिल्ह्यातील नेत्यांना त्या नको होत्या अशी चर्चा जिल्हाभरात रंगत होती. त्यामुळेच राजकीय नेत्यांच्या दबावापोटी अखेर सरकारने त्यांची नियुक्ती रद्द केल्याच्या चर्चा होत्या. मात्र, परभणीकर जनतेच्या रेट्यापुढे मुख्यमंत्री कार्यालय नमले आणि शासनाने, नेते व कार्यकर्ते यांच्या दबावाला बळी न पडता आंचल गोयल यांना पुन्हा एकदा परभणीचे जिल्हाधिकारी पद स्वीकारण्याची जबाबदारी दिली.

Edited By - Akshay Baisane

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com