वैद्यकीय व्यवसाय न करण्याच्या अटीवर; डॉ. सुदाम मुंडेला जामीन मंजूर

औरंगाबाद (Aurangabad) हायकोर्टाने जामीन मंजूर केला
वैद्यकीय व्यवसाय न करण्याच्या अटीवर; डॉ. सुदाम मुंडेला जामीन मंजूर
Beed Dr. Sudam Munde Case विनोद जिरे

बीड: राज्यात गाजलेल्या अवैध गर्भपातप्रकरणी डॉ. सुदाम मुंडे याला १५ हजारांच्या बंधपत्रासह वैद्यकीय व्यवसाय (Medical profession) न करण्याच्या आणि इतर अटी व शर्तीवर, औरंगाबाद (Aurangabad) हायकोर्टाने जामीन मंजूर केला आहे. अवैध गर्भपात प्रकरणी मुंडेला १० वर्ष सक्तमजुरीची शिक्षा झाली होती. त्यानंतर मुंडेला औरंगाबाद हायकोर्टाने (High Court) ५ वर्ष वैद्यकीय सेवा न करण्याच्या अटीवर जामीन (Bail) दिला होता .

हे देखील पाहा-

मात्र, त्यानंतरही परळीतील रामनगर भागात डॉक्टर मुंडे हा खुलेआम रुग्णालय (Hospital) चालवायचा. यादरम्यान तक्रार आल्याने ५ सप्टेंबर २०२० रोजी, आरोपी मुंडेच्या दवाखान्यावर छापा टाकला होता. यावेळी तिथे ४ रुग्ण उपचार घेताना आढळले होते. तसेच वैद्यकीय उपकरणे व साहित्य सापडले होते. या छाप्यावेळी डॉ . सुदाम मुंडे याने सर्व पथकाला धमकी (Threat) दिली व सरकारी (Government) कामात अडथळा निर्माण केला. तसेच उच्च न्यायालयाच्या आदेशाचे उल्लंघन केले होते.

Beed Dr. Sudam Munde Case
ट्रकचा आणि टेम्पोचा भीषण अपघात, 5 मजुराचा जागीच मृत्यू

याप्रकरणी तत्कालीन जिल्हा शल्यचिकित्सक डॉ. अशोक थोरात यांच्या फिर्यादवरून गुन्हा दाखल करण्यात आला होता. या प्रकरणी अंबाजोगाई (Ambajogai) जिल्हा व सत्र न्यायालयाने आरोपी मुंडेला सक्तमजुरी आणि २ हजार रुपये दंड कलम (२) वैद्यकीय व्यवसाय कायद्यान्वये १ वर्षे सक्तमजुरीची शिक्षा ठोठावली होती. या निर्णयाच्या विरोधात आरोपी मुंडेने उच्च न्यायालयाच्या औरंगाबाद खंडपीठात अपील दाखल केले होते. या प्रकरणात आता डॉक्टर सुदाम मुंडे याला, पुन्हा एकदा अटी शर्थी घालत, औरंगाबाद हायकोर्टाचे न्यायाधीश आर.बी.अवचट यांनी जामीन मंजूर केला आहे.

Edited By- Digambar Jadhav

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.