Chandrapur News : चंद्रपूर जिल्हा मध्यवर्ती सहकारी बँकेचे अध्यक्ष संतोषसिंग रावत (santoshsingh rawat) यांच्यावर गुरुवारी रात्री मूल शहरात (mul city) प्राणघातक हल्ला झाला. या घटनेचे पडसाद आज (शुक्रवार) मूल शहरात उमटले. हल्लेखाेराेंना तातडीने अटक करा अशी मागणी करीत काँग्रेसने शहर बंदचे आवाहन केले आहे. (Maharashtra News)
गुरुवारी रात्री रावत हे बँकेच्या मूल शहरातील शाखेमधून दुचाकीवरून बाहेर पडले. बाहेर प्रतीक्षेत असलेल्या हल्लेखोरांनी त्यांच्यावर जवळून गोळ्या झाडल्या. रावत यांच्या दंडाला गाेळी चाटून गेल्याने ते या हल्ल्यातून बचावले.
चंद्रपूर जिल्ह्यातील मोठ्या राजकीय नेत्यावर झालेला गोळीबार राजकीय वातावरण तापवून गेला. मूल शहरात आज (शुक्रवार) काँग्रेसने बंदचे आवाहन केले. शहरातील गांधी चौकात धरणे आंदोलन सुरू करण्यात आले.
रावत यांच्या हल्लेखोरांना 48 तासात अटक न झाल्यास जिल्हाभर आंदोलन करण्याचा इशारा काँग्रेसने पाेलिस प्रशासनास दिला आहे. दरम्यान दुकाने- प्रतिष्ठाने बंद ठेवून मूल येथील व्यापारी व नागरिकांनी हल्ल्याचा निषेध नाेंदविला आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
