Aryan Khan bribery case Sameer Wankhede questioned By CBI : एनसीबीचे तत्कालीन विभागीय अधिकारी समीर वानखेडे यांची सीबीआय चौकशी सुरू झाल्यापासून भाजपचे (BJP) नेते वानखेडेंचा बचाव करण्यासाठी सरसावले आहेत. समीर वानखेडे हे सरकारी अधिकारी असताना नागपूरमधील संघ मुख्यालयात सरसंघचालक डॉ. मोहन भागवत यांना भेटले आणि त्यानंतरच सीबीआय चौकशीचा ससेमिरा त्यांच्या मागे लागला आहे, हे संशयास्पद वाटते, असं काँग्रेसचे प्रदेशाध्यक्ष नाना पटोले म्हणाले. (Latest News Update)
नाना पटोले म्हणाले की, 'समीर वानखेडे (Sameer Wankhede) सरसंघचालकांना भेटल्यानंतर त्यांची चौकशी सुरू होण्याची कारणं काय? ‘दाल में कुछ काला है’ असे दिसत आहे. या प्रकरणात काही ना काही लपलेले आहे, काही तरी संशयास्पद आहे किंवा समीर वानखेडे यांच्याकडे काहीतरी अशी माहिती आहे; ज्यामुळे राष्ट्रीय स्वयंसेवक संघ व भाजपची पोलखोल ते करू शकतात.'
दुसरीकडे वानखेडे यांची सीबीआय चौकशी सुरू होताच महाराष्ट्रातील भाजपचे नेते, उपमुख्यमंत्री फडणवीस व इतर काही मंत्री वानखेडेंच्या केसाला धक्का लावला तर पाहून घेऊ, असे म्हणत आहेत. सीबीआय, ईडी या तपास यंत्रणा तर भाजप सरकारच्याच अखत्यारित आहेत, मग वानखेडे यांच्या सीबीआय चौकशीचा भाजपला एवढा त्रास का होत आहे?
सरकारी अधिकारी राष्ट्रीय स्वयंसेवक संघाच्या मुख्यालयात जाणे यात काही ना काही लपलेले आहे, हा काही आरोप नाही तर, असा प्रश्न उपस्थित होणे स्वाभाविक आहे, असं सांगतानाच नाना पटोले यांनी वेगळीच शंका उपस्थित केली. (Maharashtra Political News)
महाविकास आघाडीतील जागावाटपावर विचारलेल्या प्रश्नाला उत्तर देताना काँग्रेस प्रदेशाध्यक्ष पटोले म्हणाले की, प्रत्येक पक्षाने चाचपणी केली पाहिजे. यात काही गैर नाही; पण जागावाटपाचा निर्णय हा मेरिटवरच होईल. काँग्रेस पक्षाने काही समित्या नेमलेल्या आहेत, सर्व बाजूंचा विचार करून जागावाटप होईल.
मेरिटवर निर्णय झाला तर अनावश्यक चर्चा थांबेल. महाराष्ट्र हा परंपरागत काँग्रसेचा बालेकिल्ला राहिलेला आहे. काँग्रेसची भूमिका स्पष्ट असून महापुरुषांचा अपमान व संविधानाचा अपमान करणाऱ्या भाजपला पराभूत करणे यासाठी आमचे काम सुरू आहे, असेही नाना पटोले म्हणाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
