भंडारा : काँग्रेसच्या हंगामी अध्यक्षा सोनिया गांधी आणि काँग्रेसचे नेते राहुल गांधी यांना सक्तवसुली संचालनालयाने (ED) नॅशनल हेराल्ड प्रकरणात समन्स बजावले आहे. या प्रकरणाची चौकशी तपास संस्थेने २०१५ मध्येच बंद केली होती. मात्र, ईडीने (ED) पुन्हा या प्रकरणाची नोटीस दोघांना पाठवली आहे. यावर काँग्रेसचे प्रदेशाध्यक्ष नाना पटोले (Nana Patole) यांनी प्रतिक्रिया दिली आहे. ( Mahrashtra Politics latest News In Marathi)
हे देखील पाहा -
काँग्रेसचे प्रदेशाध्यक्ष नाना पटोले हे सोनिया गांधी आणि राहुल गांधी यांना ईडीने नोटीस पाठवल्यानंतर चांगलेच संतापले आहेत. नाना पटोले यांनी भंडारा जाहीर भाषणात थेट इशारा ईडी अधिकाऱ्यांना दिला आहे. 'आमचे नेते राहुल गांधी आणि सोनिया गांधी यांना हात लावून दाखवा. जेवढे जेल भरायचे आहे तितके देशातील आणि महाराष्ट्रातील जेल भरवून दाखवू, अशा इशारा नाना पटोले यांनी ईडी अधिकाऱ्यांना दिला आहे.
नाना पटोले पुढे म्हणाले, '२०१५ च्या नॅशनल हेराल्ड प्रकरणी काँग्रेच्या हंगामी अध्यक्षा सोनिया गांधी आणि राहुल गांधी यांना ईडीच्या नोटीस आल्या आहे. सध्या आम्ही देशात नवसंकल्प कार्यक्रम करत असून या कार्यक्रमाचा अनुषंगाने काँग्रेसला लोक जोडत आहोत. त्यामुळे भाजपला पुढील काही दिवसात आपली खुर्ची जाण्याची भीती वाटत असल्यामुळं गांधी कुटुंबाला टार्गेट करत आहे, असे नाना पटोले म्हणाले.
'कोणताही नियम नसताना सरळ सरळ ईडीने नोटीस पाठवून दिली आहे.सत्तेचा दुरुपयोग केंद्रीय तपास यंत्रणेच्या माध्यमातून होत आहे.मात्र आमची भूमिका ठरली आहे. आमच्या नेत्यांना हात लावला तर जेवढे जेल भरायचे आहे, तितके देशातील-महाराष्ट्रातील जेल भरवून दाखवू,असा इशारा नाना पटोले यांनी ईडी अधिकाऱ्यांना दिला आहे.
Edited By - Vishal Gangurde
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
