Nana Patole News: 'आम्हाला फरक पडत नाही, सगळे प्लॅन तयार...' कॉंग्रेस प्रदेशाध्यक्ष नाना पटोले यांचा राष्ट्रवादीला सूचक इशारा?

Maharashtra Politics: गेल्या काही दिवसांपासून राज्यात मुख्यमंत्री पदावरुन दावे प्रतिदावे सुरू आहेत. यावर नाना पटोले यांनी पहिल्यांदा प्रतिक्रिया दिली आहे...
Nana Patole Mahavikas Aaghadi Rally
Nana Patole Mahavikas Aaghadi Rally SAAM TV

Mumbai News: राज्याच्या राजकारणात (Maharashtra Politics) सध्या मुख्यमंत्री पदावरुन रोज नवनव्या चर्चा रंगताना पाहायला मिळत आहेत. काही दिवसांपूर्वीच राष्ट्रवादी कॉंग्रेसचे नेते अजित पवार यांनी मुख्यमंत्री होण्याची इच्छा व्यक्त केली होती. त्यावरुन राजकीय चर्चांना ऊत आला होता.

अजित पवार यांच्या याच वक्तव्यानंतर जयंत पाटील यांनीही मुख्यमंत्री राष्ट्रवादीचाच होणार, असा विश्वास व्यक्त केला होता. याच मुद्द्यावरुन कॉंग्रेस प्रदेशाध्यक्ष नाना पटोले यांनी प्रतिक्रिया दिली आहे. तसेच "महाराष्ट्रात भाजपच्या विरोधात काँग्रेस हा एकमेव पर्याय आहे," असेही ते यावेळी म्हणाले आहेत. (Latest Marathi News)

Nana Patole Mahavikas Aaghadi Rally
Ajit Pawar News : अजित पवारांचं ठरलंय; घेतलेला निर्णय ते कधीच बदलत नाहीत, संजय शिरसाटांचं सूचक वक्तव्य

काय म्हणाले नाना पटोले...

गेल्या काही दिवसांपासून राज्यात मुख्यमंत्री पदावरुन दावे प्रतिदावे सुरू आहेत. यावर बोलताना नाना पटोले यांनी ठदिवसा कोणाला स्वप्न बघायची असतील तर त्यांना बघू देत, आम्ही काँग्रेस म्हणून महत्वाच्या मुद्द्यांवर सध्या लक्ष देतोय. आता लगेच कुठल्या निवडणुका नाहीयेत, अशी स्पष्ट प्रतिक्रिया दिली आहे. तसेच भाजपच्या विरोधात जो जो आहे तो आमचा मित्र आहे ,म्हणून आम्ही एकजुटीने लढत आहोत," असेही ते यावेळी म्हणाले आहेत.

बाजार समिती निकालावर दिली प्रतिक्रिया..

नुकत्याच झालेल्या बाजार समिती निकालावर बोलताना नाना पटोले यांनी "एपीएमसी असेल किंवा इतर गोष्टी असतील भाजपच्या विरोधात एक जनमत आहे ते स्पष्टपणे दिसून येत आहे, असल्याचे म्हणले आहे. तसेच देशात आणि महाराष्ट्रात भाजपच्या विरोधात काँग्रेस हा एकमेव पर्याय आहे," असा विश्वासही त्यांनी यावेळी व्यक्त केला आहे.

Nana Patole Mahavikas Aaghadi Rally
Leopard Attack: थरारक..बिबट्याच्‍या जबड्यातून सुटला; सरपण गोळा करायला गेला असता हल्‍ला

तसेच राष्ट्रवादी कॉंग्रेस भाजपसोबत जाणार असल्याच्या चर्चांवर बोलताना नाना पटोले यांनी "कोण काय करतयं याने आम्हाला काही फरक पडत नाही, कोणी सत्तेसाठी काही निर्णय घेत असतील तर घेऊद्यात आमची भूमिका स्पष्ट आहे. आम्ही त्या पद्धतीने काम करत आहोत," असे स्पष्टिकरण दिले आहे.

दरम्यान, आज मुंबईत होणारी सभा विराट होईल. सभेला मोठ्या प्रमाणात लोक येणार आहेत आणि मित्रपक्षांचेही कार्यकते येणार आहेत. तशी व्यवस्था करण्यात आलेली आहे. आजची सभा ऐतिहासिक होईल, अशी माहिती त्यांनी यावेळी दिली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com