अमर घटारे
Yashomati thakur News : बाबा रामदेव यांनी महिलांबाबत केलेल्या वादग्रस्त वक्तव्यानंतर त्यांच्यावर चौफेर टीका होत आहे. काँग्रेसच्या महिला नेत्या, माजी मंत्री यशोमती ठाकूर यांनी देखील बाबा रामदेव यांच्यावर सडकून टीका केली आहे. 'भगवा परिधान करून असं घाण बोलण्याची परवानगी कोणी दिलेली नाही. कोणताही धर्म हे मान्य करणार नाही, अशा शब्दात यशोमती ठाकूर यांनी बाबा रामदेव यांच्यावर टीका केली. (Latest Marathi News)
यशोमती ठाकूर (Yashomati Thakur) म्हणाल्या, ज्यांना योगगुरु मानले जाते. तो माणूस भगवा परिधान करतो, तो इतक्या खालच्या दर्जाचं वक्तव्य करणं अशोभनीय आहे. देशात व राज्यात खूप विषय आहे. या सगळ्या गोष्टीवर पदडा टाकण्यासाठी व समाजाला देशाला विचलित करण्यासाठी हे वक्तव्य रामदेव बाबा करत आहे'.
'भगवा परिधान करून असं घाण बोलण्याची परवानगी कोणी दिलेली नाही. कोणताही धर्म हे मान्य करणार नाही, अशी टीका यशोमती ठाकूर यांनी केली. अमृता फडणवीस देखील तिथे होत्या, पण त्या देखील त्या ठिकाणी असंवेदनशील दिसून आल्या,असेही देखील ठाकूर म्हणाल्या.
नेमकं काय म्हणाले बाबा रामदेव?
ठाण्यातील योगा कार्यक्रमात ते बोलत होते. त्यावेळी त्यांनी म्हटलं, साडीमध्ये महिला चांगल्या दिसतात, सलवार सूटमध्ये चांगल्या दिसतात, माझ्या नजरेने पाहिलं, तर काही नाही घातलं तरी चांगल्या दिसतात, असं वक्तव्य बाबा रामदेव यांनी केलं आहे. बाबा रामदेव यांनी हे वक्तव्य केलं त्यावेळी व्यासपीठावर अमृता फडणवीस, शिंदे गटाचे खासदार श्रीकांत शिंदे उपस्थित होते.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.