Beed: कोरोना पाठोपाठ 'स्वाईन फ्लू'चा शिरकाव; २४ तासात ७ रुग्णांची नोंद

गेल्या २४ तासांमध्ये ७ 'स्वाईन फ्लू'चे रुग्ण आढळले असून आता एकूण ९ रुग्णासंख्या झाल्याने चिंता व्यक्त केली जात आहे.
Beed Swine flu Cases
Beed Swine flu CasesSaam TV

बीड : बीडमध्ये (Beed) कोरोना पाठोपाठ आता 'स्वाईन फ्लू'चा पुन्हा एकदा शिरकाव झाला आहे. गेल्या २४ तासांमध्ये ७ 'स्वाईन फ्लू'चे (Swine flu) रुग्ण आढळले असून आता एकूण ९ रुग्णासंख्या झाल्याने चिंता व्यक्त केली जात आहे. मागील काही दिवसांपासून कोरोनाबाधित रुग्णांची संख्या वाढत आहे . आठवडाभरात कोरोनाच्या नव्या ५९ रुग्णांची भर पडली आहे.

कोरोनाची (Corona) भीती कमी झाली असली तरी वाढती रुग्णसंख्या डोकेदुखी ठरत आहे. त्यामुळे आरोग्य विभागाने बैठक घेऊन सर्वांनाच लसीकरणाचा टक्का वाढविण्याबाबत सूचना केल्या होत्या. लसीकरण सुरू असतानाच दोन दिवसांपूर्वी 'स्वाईन फ्लू'चे दोन रुग्ण आढळले. त्यानंतर पुन्हा १०९ लोकांचे स्वॅब घेतले असता त्यात एकाचवेळी तब्बल ७ लोक बाधित आढळले आहेत.

पाहा व्हिडीओ -

यामुळे आरोग्य विभागाकडून बाधितांच्या संपर्कातील लोकांचे स्वॅब घेणे सुरू आहेत. दरम्यान, या सर्व रुग्णांना कसलीही लक्षणे नाहीत. त्यामुळे या सर्वांना गृहविलगीकरणात ठेवण्यात आले आहे. मात्र कोरोना व 'स्वाईन फ्लू'चे वाढते रुग्ण पाहून, आरोग्य विभाग (Department of Health) सतर्क झाला असून, उपाययोजना सुरू केल्या आहेत.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com