नंदुरबारमध्ये कोरोनाचा कहर: आणखीन सापडले दोन ओमायक्रोन पॉझिटिव्ह

नंदुरबार: नंदुरबार जिल्ह्यात गेले काही दिवस सतत कोरोना (Corona) रुग्ण पॉझिटिव्ह येत आहेत. शहरातीलच व्यक्ती पॉझिटिव्ह (positive) आल्याने आता त्या भागातील प्रशासन (Administration) आता अधिक सतर्क झाले आहे. जिल्हा (District) प्रशासनाकडून प्राप्त माहितीनुसार काल संध्याकाळपर्यंत आलेल्या अहवालात एकूण ४४ जणांचा कोरोना अहवाल पॉझिटिव्ह आला आहे, तर दोघांचा ओमायक्रोन (Omicron) अहवाल पॉझिटिव्ह आल्याची माहिती जिल्हा शल्यचिकित्सक डॉक्टर चारुदत्त शिंदे यांनी यावेळी दिली आहे.

हे देखील पहा-

जिल्हा प्रशासनाकडून प्राप्त झालेल्या माहितीनुसार २ जणांचा अहवाल पॉझिटिव्ह आला आहे. त्यात एका व्यक्तीने १७ डिसेंबर रोजी स्वॅब (Swab) दिला होता, तर दुसऱ्या व्यक्तीचा दिनांक २९ डिसेंबर रोजी घेण्यात आला होता. त्यांचा अहवाल तपासणीसाठी पाठविण्यात आला होता. त्यानुसार या दोन्ही व्यक्तींचा अहवाल ओमायक्रॉन पाॅझिटीव्ह प्राप्त झाला आहे.

यामध्ये एक नंदुरबार (Nandurbar) तर एक शहादा येथील रहिवासी आहेत. हे दोन्ही रुग्ण नंदुरबार जिल्हा सामान्य रुग्णालयात (hospital) उपचार घेत आहेत. दोन्ही रुग्णांना उपचारांती डिस्चार्ज देण्यात आला आहे. त्या दोघांनीही लसीकरणाचे (vaccination) दोन्ही डोस पूर्ण घेतलेले आहेत. दोन्ही व्यक्ती परदेशातून आले असल्याने त्यांची ट्रॅव्हल हिस्ट्री नव्हती, अशी माहिती जिल्हा शल्यचिकित्सक डॉ. चारुदत्त शिंदे यांनी दिली आहे.

Edited By- Digambar Jadhav