Corona : अकोल्यात कोरोनामुळे दोघांचा मृत्यु; रुग्णसंख्याही वाढतेय!

अकोला : अकोल्यात तिसऱ्या लाटेला सुरुवात झाल्यानंतर आज दिवसभरात दोघांचा कोरोनामुळे मृत्यू झाल्याने खळबळ उडाली आहे. या दोन मृतांपैकी एक जण हा मूर्तिजापूर (Murtijapur) येथील 84 वर्षीय पुरुष रुग्ण असून दुसरा हा अकोल्यातील (Akola) जुने शहर परिसरातील 55 वर्षीय पुरुष रुग्ण आहे. तर , आज 254 नव्या रुग्णांची भर पडल्याने अकोलेकरांची चिंता वाढलीय.

हे देखील पहा :

दरम्यान, आज 90 जणांना होम आयसोलेशन मधून डिस्चार्ज देण्यात आला आहे. तर गेल्या 24 तासांत अकोल्यात 490 नव्या रुग्णाची वाढ झालीय. कोरोनाची (Corona) दुसरी लाट ओसरल्यानंतर अकोल्यातील नागरिक बेफिकीर झाले होते. अनेकांनी मास्क घालनेही बंद केले होते. लसीकरणही (Vaccination) मंदावले होते. मात्र प्रशासनाने तिसऱ्या लाटेची शक्यता वर्तविल्याने पुन्हा एकदा कोरोनाचे नवीन रुग्ण (Corona Patients) समोर येत आहेत. कोरोना संसर्ग तपासणीचे अहवाल प्राप्त झाले. त्यात आज दिवसभरात 256 जणांचे अहवाल पॉझिटीव्ह आले.

दाखल रुग्णांची संख्या पंधराशे पार -

जिल्ह्यात एकूण पॉझिटीव्ह अहवालांची एकूण संख्या 59796 इतकी आहे. त्यात 1145 मृत झाले आहेत. तर 57119 जणांना डिस्चार्ज देण्यात आला असून सद्यस्थितीत 1532 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.

अशी वाढली रुग्णसंख्या :

4 जानेवारी - 28 रूग्ण

5 जानेवारी - 32 रुग्ण

6 जानेवारी - 32 रुग्ण

7 जानेवारी - 58 रुग्ण

8 जानेवारी - 90 रुग्ण

9 जानेवारी - 92 रुग्ण

10 जानेवारी - 57 रुग्ण

11 जानेवारी - 199 रुग्ण

12 जानेवारी - 196 रुग्ण

13 जानेवारी - 284 रुग्ण

14 जानेवारी - 260 रुग्ण

15 जानेवारी - 246 रुग्ण