गोंदिया : गेल्या काही दिवसांपासून देशभरासह महाराष्ट्रात कोरोना (Corona) रुग्णसंख्या वाढण्यास सुरूवात झाली आहे. शहरासोबतच ग्रामीण भागातही कोरोनाचे रुग्ण आढळून येत आहे. जानेवारी महिन्यात कोरोनाची तिसरी लाट ओसरल्यानंतर गोंदिया जिल्ह्यातून कोरोना जवळपास हद्दपार झाला होता. मात्र आता पुन्हा एकदा जिल्ह्यात कोरोनाने आपला कहर सुरू केल्याचे दिसत आहे. (Gondiya Latest Corona News)
गोंदिया जिल्हा प्रशासनाने दिलेल्या माहितीनुसार, गेल्या 24 तासांत जिल्ह्यात कोरोनाचे 5 नवे रुग्ण आढळून आले आहेत. त्यामुळे जिल्ह्यातील सक्रिय कोरोनाबाधित रुग्णांची संख्या आता 8 इतकी झाली आहे. कोरोनाची तिसरी लाट ओसरल्यानंतर जिल्ह्यातील कोरोना रुग्णसंख्या मोठ्या प्रमाणात कमी झाली होती. 1 मे रोजी तर जिल्ह्यात एकही कोरोनाबाधित रुग्ण नव्हता. त्यामुळे जिल्ह्यातील नागरिकांनी सुटकेचा निःश्वास घेतला.
मात्र, आता पुन्हा एकदा जिल्ह्यात कोरोनाचा प्रादुर्भाव वाढत असल्याने आरोग्य प्रशासनासह नागरिकांच्या चिंतेत भर पडली आहे. सुरुवातीला कोरोनाचे रुग्ण देशातील काही भागांतच आढळून येत होते. मात्र आता जवळपास संपूर्ण राज्यात कोरोनाचे रुग्ण वाढताना दिसून येत आहे. कोरोनामुक्त झालेल्या गोंदिया जिल्ह्यातही कोरोनाने एन्ट्री मारल्यामुळे नागरिकांननी काळजी घेणे गरजेचे आहे.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
