Breaking : मनोहर भोसलेंसह तिघांवर बारामतीत गुन्हा दाखल! पहा VIDEO

मनोहर भोसले यांनी बाळूमामाचा अवतार असल्याचा बनाव करत फिर्यादीच्या वडीलांचा कर्करोग बरा करतो असे सांगत बाभळीचा पाला, साखर, भंडारा खाण्यास दिला असल्याचे फिर्यादीने तक्रारीत म्हटले आहे.
मनोहर भोसलेंसह तिघांवर बारामतीत गुन्हा दाखल!
मनोहर भोसलेंसह तिघांवर बारामतीत गुन्हा दाखल!Saam Tv

बारामती : बाळूमामाचा अवतार असल्याचे सांगत फसवणूक केल्याप्रकरणी करमाळा तालुक्यातील उंदरगाव येथील मनोहर मामा भोसले यांच्यासह दोन अन्य साथीदारांविरोधात बारामती तालुका पोलिस ठाण्यात पहिलाच गुन्हा दाखल करण्यात आला आहे. विशाल वाघमारे उर्फ नाथबाबा आणि ओंकार शिंदे अशी मनोहर मामासोबत गुन्हा दाखल झालेल्यांची नावे आहेत. बारामतीतील रहिवासी असलेले शशिकांत खरात यांनी या प्रकरणात बारामती पोलीस ठाण्यात फिर्याद दिली असून या फिर्यादीनुसार गुन्हा दाखल करण्यात आला आहे.

20 ऑगस्ट 2018 ते 31 ऑगस्ट 2021 या दरम्यान हा गुन्हा घडल्याचे फिर्यादीत म्हटले आहे. मनोहर भोसले यांनी बाळूमामाचा अवतार असल्याचा बनाव करत फिर्यादीच्या वडीलांचा कर्करोग बरा करतो असे सांगत बाभळीचा पाला, साखर, भंडारा खाण्यास दिला. विशाल वाघमारे, ओंकार शिंदे यांच्याशी संगनमत करत वडीलांच्या व फिर्यादीच्या जिविताची भिती घालून फिर्यादीकडून वेळोवेळी 2 लाख 51 हजार रुपये घेत फसवणूक केली.

मनोहर भोसलेंसह तिघांवर बारामतीत गुन्हा दाखल!
Politics : महिला उपसरपंचावर पदाचा राजीनामा देण्यासाठी सदस्याचा दबाव

पैसे परत मागितले असता जीवे ठार मारण्याची धमकी दिल्याचे शशिकांत खरात यांनी सांगितले आहे. याप्रकरणी तिघांवर फसवणूकीसह महाराष्ट्र नरबळी व इतर अमानुष, अनिष्ठ व अघोरी प्रथा व जादूटोणा उच्चाटन कायदा तसेच औषध चमत्कारी उपाय अधिनियमानुसार गुन्हा दाखल कऱण्यात आला आहे. फसवणूक झालेल्यांनी बारामती तालुका पोलिस ठाण्याशी संपर्क साधण्याचे आवाहन पोलीस निरीक्षक महेश ढवाण यांनी केले आहे.

Edited By : Krushnarav Sathe

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com