>>विनोद जरे...
Beed News: शेतात सालगडी म्हणून काम करणाऱ्या मजुराने शेतमालकाच्या 8 वर्षीय चिमुकल्या मुलीवर अत्याचार केल्याची संतापजनक घटना समोर आली आहे. गुढी पाडव्याच्या दिवशीच केज तालुक्यात ही धक्कादायक घटना घडल्याने परिसरात खळबळ माजली आहे. या प्रकरणी नराधम आरोपीला पोलिसांनी बेड्या ठोकल्या आहेत. (Latest Marathi News)
याबाबत अधिक माहिती अशी की, केज तालुक्यामध्ये गुढी पाडव्याचा उत्साह सुरू असतानाच संतापजनक घटना समोर आली आहे. गुढी पाडव्याच्या दिवशीचं नराधम आरोपी सालगड्याने, शेतात कोणीही नसल्याचा गैरफायदा घेत, शेतमालकाच्याच 8 वर्षीय चिमुकलीला गोठ्यापासून काही अंतरावर असलेल्या शेतात नेले. व तिच्यावर अत्याचार केल्याची घटना घडली आहे.
सायंकाळी आईला पाहून पीडित मुलगी रडू लागली. यावर रडायला काय झाले ? असे आईने विचारले. यावेळी मुलीने सालगड्याने केलेल्या अत्याचाराची हकीकत सांगितली. मुलीच्या आईने हा प्रकार आपल्या पतीला सांगितला. याप्रकरणी बीडच्या केज पोलीस ठाण्यात नराधम आरोपी सालगड्यावर गुन्हा दाखल करण्यात आला आहे.
मुळचा लातूर (Latur) जिल्ह्यातील रहिवाशी असलेल्या या नराधम आरोपीला केज पोलिसांनी तात्काळ बेड्या ठोकल्या आहेत. या संतापजनक प्रकाराने परिसरात खळबळ माजली असून नराधमाला कठोर शिक्षेची मागणी होत आहे. (Beed News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
